Tabulatory (↹) zasajźiś a wobźěłaś

Na horicontalnem linealu móžośo tabulatory (↹) za aktualny wótstawk wiźeś. Jolic cośo tabulatory změniś, wy měł nejpjerwjej wó wobceŕku płaśiwosći pśemysliś, za kótaryž cośo tabulatory změniś:

• Změńśo standardne tabulatory (↹) za wšě dokumenty: Wužywajśo meni – LibreOffice Writer – Powšykne.

• Změńśo tabulatory (↹) za wšykne wótstawki, kótarež aktualnu wótstawkowu pśedłogu wužywaju: Klikniśo z pšaweju tastu na wótstawk, aby kontekstowy meni wócynił, wubjeŕśo Wótstawkowu pśedłogu wobźěłaś a klikniśo na Tabulatory.

• Změńśo tabulatory (↹) za jaden wótstawk abo někotare wótstawki: Wubjeŕśo wótstawki a klikniśo pón na lineal.

Dołojce namakajośo instrukcije za wšykne górjejce naspomnjete nadawki.

Aby tabulator (↹) stajił, klikniśo na lineal abo wubjeŕśo Format – Wótstawk… – rejtarik: Tabulatory. Wobej metoźe aktualny wótstawk abo wšykne wubrane wótstawki wobwliwuju.

Klikmiśo jaden raz na lineal, aby na lěwu kšomu wusměrjony tabulator (↹) stajił. Klikniśo z pšaweju tastu na tabulatorowy symbol na linealu, aby kontekstowy meni wiźeł, w kótaremž móžośo typ tabulatora změniś.

Aby někotare decimalne tabulatory (↹) jaden za drugim nastajił, klikniśo dalej na symbol nalěwo pódla lineala, daniž se typ tabulatora njepokazujo a klikniśo pón na lineal.

Klikniśo dwójcy na lineal, aby dialog Wótstawk wócynił.

Klikniśo dwójcy na běły wobceŕk lineala, aby jaden tabulator nastajił. Dialog Wótstawk se z wócynjonym rejtarikom Tabulatory zjawijo.

Tabulatory na linealu pśesunuś

• Pśesuniśo jadnotliwe tabulatory na linealu z myšku.

• Aby někotare tabulatory na linealu pśesunuł, tłocćo tastu Umsch (⇧), nježli až na tabulator klikaśo. Śěgniśo jaden tabulator, mjaztym až tastu Umsch (⇧) dalej tłoconu źaržyśo, aby ten tabulator ako teke wšykne tabulatory napšawo pódla nim pśesunuł. Wótkłon mjazy tymi tabulatorami jadnak wóstanjo.

• Tłocćo , gaž tabulator na linealu śěgnjośo, aby ten tabulator a wšykne tabulatory napšawo pódla nim pśesunuł. To k tomu wjeźo, až se wótkłon mjazy tymi tabulatorami proporcionalnje k jich wótkłonoju wót kšomy změnja.

Kakosći tabulatorow změniś

Aby typ tabulatora změnił, klikniśo na tabulator, kótaryž cośo na linealu změniś a klikniśo pón z pšaweju tastu, aby kontekstowy meni wócynił.

Tabulatory lašowaś

Aby tabulator wulašował, źaržćo tastu myški tłoconu, mjaztym až tabulator z lineala wen śěgnjośo.

Kontekstowy meni lineala wam zmóžnja, pokazane měrjeńske jadnotki změniś. Toś te změny su jano płaśiwe, daniž LibreOffice njekóńcyśo, a nałožuju se jano na lineal, w kótaregož kontekstowem meniju sćo pśewjadł změnu. Jolic cośo měrjeńske jadnotki lineala na pśecej změniś, wubjeŕśo – [dokumentowy typ] – Naglěd a změńśo tam měrjeńsku jadnotku.