Startowy centrum

Witajśo k LibreOffice. Wjeliki źěk, až nałožeńsku pomoc LibreOffice wužywaśo. Tłocćo F1, gaž pomoc pśi wužywanju LibreOffice trjebaśo.

Wiźiśo startowy centrum, gaž žeden dokument njejo wócynjony w LibreOffice. Jo do dweju wobceŕkowu źělony. Klikniśo na tłocašk w lěwem wobceŕku, aby nowy dokument abo datajowy dialog wócynił.

Eksistěrujuce dataje wócyniś

Tłocaško Dataju wócyniś dialog Dataju wócyniś pokazujo.

Tłocašk Zdalone dataje dialog Zdalone dataje pokazujo, aby dataje wócynił, kótarež su na serwerach skłaźone.

Klikniśo na tłocašk Nejnowše dokumenty, aby miniatury nejnowšych dokumentow, kótarež sćo wócynił, na pšawem boku wokna pokazał. Gibniśo pokazowak myški nad miniaturu, aby dokument wuzwignuł, pokazku wó městnje dokumenta pokazał a symbol górjejce napšawo pokazał, aby wy miniaturu z wobceŕka a z lisćiny nejnowšych datajow wulašował. Klikniśo na miniaturu, aby dokument pód njeju wócynił.

Móžośo zapisk z lisćiny Nejnowše dokumenty wótwónoźeś, gaž na tłocašk w górnem pšawem rožku symbola klikaśo. Dokument sam se njelašujo. Móžośo wšykne zapiski w lisćinje Nejnowše dokumenty wótwónoźeś, gaž na wuběrański tłocašk Nejnowše dokumenty klikaśo a Historiju dokumentow wuprozniś wuběraśo.

Z pśedłogami źěłaś

Klikniśo na tłocašk Dokumentowe pśedłogi, aby dokumentowe pśedłogi za wšykne nałoženja na pšawem boku wokna pokazał.

Klikniśo na šypku dołoj (↓) za tłocaškom Dokumentowe pśedłogi, aby meni wócynił, źož móžośo filter wubraś, aby dokumentowe pśedłogi pó nałožeńskem typje pokazał abo dialog zastojnik dokumentowych pśedłogow wócynił.

Klikniśo z pšaweju tastu na dokumentowu pśedłogu w pšawem wobceŕku, aby meni wócynił, źož móžośo pak dokumentowu pśedłogu wócyniś, aby nowy dokument na zakłaźe dokumentoweje pśedłogi napórał pak dokumentowu pśedłogu samu wobźěłaś.

Napóraś:

Dany dokumentowy tłocašk nowy dokument pódanego typa wócynijo.

• Dokument Writer LibreOffice Writer wócynijo

• Tabelowy dokument Calc LibreOffice Calc wócynijo

• Prezentacija Impress LibreOffice Impress wócynijo

• Kreslanka Draw LibreOffice Draw wócynijo

• Formula Math LibreOffice Math wócynijo

• Datowa banka Base LibreOffice Base wócynijo

Tłocašk Rozšyrjenja bok https://extensions.libreoffice.org wócynja, źož móžośo dokumentowe pśedłogi a pśidatne funkcije za LibreOffice ześěgnuś.