Standardne a swójske dokumentowe pśedłogi napóraś a změniś

Gaž nowy dokument z Dataja – Nowy wócynjaśo, se prozny dokument na zakłaźe dokumentoweje pśedłogi LibreOffice zjawijo. Móžośo toś tu dokumentowu pśedłogu wobźěłaś, změniś abo wuměniś, aby nowy dokument waše pśiměrjone stile abo druge wopśimjeśe wopśimował.

Standardnu dokumentowu pśedłogu napóraś

1. Wócyńśo nejpjerwjej pak eksistěrujucu dokumentowu pśedłogu LibreOffice a změńśo ju pak wócyńśo nowy dokument a wobźěłajśo jen ako trjeba, aby póžedanu dokumentowu pśedłogu napórał.

2. Wubjeŕśo Dataja – Pśedłogi – Ako pśedłogu składowaś…, aby dokument składował, zapódajśo pón mě dokumentowu pśedłogu, klikniśo na kontrolny kašćik Ako standardnu pśedłogu nastajiś a składujśo w kategoriji Móje pśedłogi.

3. Pśiducy raz, hsž nowy tekstowy dokument wócynjaśo, buźo nowy dokument na toś tej nowej standardnej dokumentowej pśedłoze bazěrowaś.

Standardnu dokumentowu pśedłogu změniś

1. Wubjeŕśo Dataja – Pśedłogi – Pśedłogi zastojaś….

2. Wužywajśo Filter, aby typ dokumenta wubrał.

3. Standardna dokumentowa pśedłoga se ze zeleneju kokulku markěrujo. Klikniśo z pšaweju tastu na toś tu dokumentowu pśedłogu a wubjeŕśo Wobźěłaś.

4. Pśewjeźćo póžedane změny, wubjeŕśo Dataja – Składowaś a zacyńśo dokument.

5. Gaž nowy dokument wócynjaśo, se změnjona standardna dokumentowa pśedłoga wužywa.

Dokumentowu pśedłogu ako standard nastajiś

1. Wubjeŕśo Dataja – Pśedłogi – Pśedłogi zastojaś….

2. Klikniśo z pšaweju tastu na dokumentowu pśedłogu, kótaruž cośo k standardoju cynił a wubjeŕśo Ako standard nastajiś.

Swójsku dokumentowu pśedłogu napóraś

1. Wócyńśo nejpjerwjej pak eksistěrujucu dokumentowu pśedłogu LibreOffice a změńśo ju pak wócyńśo nowy dokument a wobźěłajśo jen ako trjeba, aby póžedanu dokumentowu pśedłogu napórał.

2. Wubjeŕśo Dataja – Pśedłogi – Ako pśedłogu składowaś…, zapódajśo pón mě dokumentoweje pśedłogi, wubjeŕśo kategoriju pśedłogi: a składujśo.

Swójsku dokumentowu pśedłogu změniś

1. Wubjeŕśo Dataja – Pśedłogi – Pśedłogi zastojaś….

2. Klikniśo z pšaweju tastu na dokumentowu pśedłogu, kótaraž se ma změniś a wubjeŕśo Wobźěłaś.

3. Pśewjeźćo póžedane změny, wubjeŕśo Dataja – Składowaś a zacyńśo dokument.

Dokumentowu pśedłogu w zarědniku dokumentowych pśedłogow składowaś

Móžośo dokument ako dokumentowu pśedłogu składowaś, gaž datajowy typ „Dokumentowa pśedłoga“ w dialogu Składowaś wuběraśo. Za pśistup k dokumentowej pśedłoze w zastojniku dokumentowych pśedłogow, składujśo dokumentowu pśedłogu w zapisu Wužywaŕske sćažki, kótarež su za Pśedłogi w – Sćažki pódane. Jo cesto lažčej, dokument z Dataja – Pśedłogi – Ako pśedłogu składowaś… składowaś, dokulaž se pśedłoga awtomatiski we wótpowědnem zapisu składujo.