Pomoc za LibreOffice 25.2
LibreOffice instalěrowane pisma wašogo systema wužywa. W tekstowem dokumenśe móžośo ze wšych śišćobnych pismow wubraś. W dokumenśe HTML abo we webwugótowanju se jano pisma póbituju, kótarež su na wobrazowce widobne. W tabelowych dokumentach a kreslankach móžośo ze wšych instalěrowanych pismow wubraś.
Wubjeŕśo w dialogu Śišćaś abo w dialogu Śišćaŕske nastajenja śišćak z lisćinowego póla Śišćaki a klikniśo na Kakosći…. Dialog Kakosći se zjawijo, kótaryž někotare rejtariki wopśimujo. Tam móžośo nastajenja pśewjasć, kótarež se pó dataji PPD wubranego śišćaka wužywaju.
Na rejtariku Papjera móžośo papjerowy format a papjerowy fach definěrowaś, kótarejž se matej ako standardnej nastajeni za toś ten śišćak wužywaś.
Na rejtariku Rěd móžośo specialne nastajenja za swój śišćak aktiwěrowaś. Jolic waš śišćak móžo jano carny a běły śišćaś, wubjeŕśo „stopnje šerje“ pód Barwa, wubjeŕśo howac „barwa“. Jolic nastajenje „stopnje šerje“ k špatnym wuslědkam wjeźo, móžośo teke „barwa“ pód Barwa wubraś a glědajśo, kak śišćak abo emulator PostScript jo nałožujo. Mimo togo móžośo na toś tom rejtariku preciznosć nastajiś, z kótarejuž se barwy a rownina PostScript wopisuju.
Aby śišćak, kótaryž jo w lisćinowem pólu Instalěrowane śišćaki wubrany, k standardnemu śišćakoju cynił, klikniśo dwójcy na jogo mě abo klikniśo na tłocašak Standard.
Jolic sćo instalěrował fax4CUPS na swójom licadle, móžośo z LibreOffice fakse słaś.
Dialog, kótrayž se was za telefonowymi numerami za słanje faksa pšaša, se pó pśepódaśu zjawijo, gaž ze śišćakom fax4CUPS śišćiśo. Móžośo teke někotare pśez ; źělone telefonowe numery zapódaś
W LibreOffice móžośo teke symbol za słanje faksow na standardne faksowe pśizamknjenje aktiwěrowaś. Aby to cynił, wubjeŕśo Rědy – Pśiměriś… – rejtarik: Symbolowe rědy , klikniśo na Pśikaze pśidaś a pśidajśo symbol Standardny faks pósłaś z kategorije „Dokumenty“. Móžośo pód – LibreOffice Writer – Śišćaś nastajiś, kótary faksowy rěd se wužywa, gž na toś ten tłocašk klikaśo.
Źiwajśo na to, až se za kuždy faks śišćaŕski job napórajo, howac buźo prědny dostawaŕ wšyne fakse dostawaś. Wubjeŕśo w dialogu Rědy – Asistent serijowego numera… nastajenje Śišćak a markěrujśo pón kontrolny kašćik Jadnotliwe śišćaŕske joby napóraś.