Skripty w LibreOffice pśipokazaś

Móžośo menijowym zapiskam, symbolam, dialogowym wóźeńskim elementam a tšojenjam swójske skripty (makra) w LibreOffice pśipokazaś.

LibreOffice slědujuce skriptowe rěcy pódpěra:

  1. LibreOffice Basic

  2. JavaScript

  3. BeanShell

  4. Python

Mimo togo móžośo wuwijarje wuše programěrowańske rěcy wužywaś, na pśikład programěrowańsku rěc Java, aby LibreOffice eksternje wóźiła. Referenca API jo online na api.libreoffice.org.

Nowemu menijowemu zapiskoju skript pśipokazaś

  1. Wubjeŕśo Rědy – Pśiměriś… a klikniśo na rejtarik Menije.

  2. Klikniśo na Pśidaś.

  3. Kulniśo w lisćinowem pólu Kategorija dołoj a wócyńśo zapisk „Nałožeńske makra“.

  4. Wiźiśo zapiski za „Nałožeńske makra“ (skripty w zapisu „share“ wašeje instalacije LibreOffice), „Móje makra“ (skripty we wužywaŕskem zapisu) a aktualny dokument. Wócyńśo jaden z nich, aby pódprěte skriptowe rěcy wiźeł.

  5. Wócyńśo někaki zapisk skriptoweje rěcy, aby k dispoziciji stojece skripty wiźeł. Wubjeŕśo skript.

  6. Lisćina skriptowych funkcijow se w lisćinowem pólu Pśikaze zjawijo. Wubjeŕśo funkciju.

  7. Klikniśo na Pśidaś, aby nowe menijowe pśipokazanje napórał. Nowy menijowy zapisk se w lisćinowem pólu Zapiski zjawijo.

Skriptoju tastowu skrotconku pśipokazaś

  1. Wubjeŕśo Rědy – Pśiměriś… – rejtarik: Tastatura.

  2. Kulniśo w lisćinowem pólu Kategorija dołoj a wócyńśo zapisk „Nałožeńske makra“.

  3. Wiźiśo zapiski za „Nałožeńske makra“ (skripty w zapisu „share“ wašeje instalacije LibreOffice), „Móje makra“ (skripty we wužywaŕskem zapisu) a aktualny dokument. Wócyńśo jaden z nich, aby pódprěte skriptowe rěcy wiźeł.

  4. Wócyńśo někaki zapisk skriptoweje rěcy, aby k dispoziciji stojece skripty wiźeł. Wubjeŕśo někaki skript.

  5. Lisćina skriptowych funkcijow se w lisćinowem pólu Pśikaze zjawijo. Wubjeŕśo někaku funkciju.

  6. Klikniśo na opciski tłocašk za LibreOffice abo Writer (abo kótarežkuli nałoženje jo tuchylu wócynjone).

    Gaž opciski tłocašk wuběraśo, se wobceŕk płaśiwosći noweje tastoweje skrotconki nastaja, kótaryž jo wšuźi w LibreOffice abo jano w dokumentach aktualnego modula nałožujobny.

  7. Wubjeŕśo tastowu skrotconku z lisćinowego póla Tastowe skrotconki a klikniśo na Pśipokazaś.

Tšojenjeju skript pśipokazaś

  1. Wubjeŕśo Rědy – Pśiměriś… – Tšojenja.

  2. Klikniśo na tłocašk Makro….

  3. Kulniśo w lisćinowem pólu Biblioteka dołoj a wócyńśo zapisk „Nałožeńske makra“.

  4. Wiźiśo zapiski za „Nałožeńske makra“ (skripty w zapisu „share“ wašeje instalacije LibreOffice), „Móje makra“ (skripty we wužywaŕskem zapisu) a aktualny dokument. Wócyńśo jaden z nich, aby pódprěte skriptowe rěcy wiźeł.

  5. Wócyńśo někaki zapisk skriptoweje rěcy, aby k dispoziciji stojece skripty wiźeł. Wubjeŕśo někaki skript.

  6. Lisćina skriptowych funkcijow se w lisćinowem pólu Pśipokazana akcija zjawijo. Wubjeŕśo někaku funkciju.

  7. Wubjeŕśo, aby w LibreOffice abo w aktualnem dokumenśe składował.

    To wobceŕk płaśiwosći nowego tšojeńskego pśipokazanja nastaja, kótaryž se ma na LibreOffice abo jano w dokumentach aktualnego modula nałožyś.

  8. Wubjeŕśo tšojenje z lisćiny a klikniśo na W pórěźe.

Tšojenjeju za zasajźony objekt skript pśipokazaś

  1. Wubjeŕśo zasajźony objekt, na pśikład diagram, w swójom dokumenśe.

  2. Wubjeŕśo Format – Wobłuk a objekt – Kakosći… – Makro.

  3. Wocyńśo w lisćinowem pólu Makra zapisk Skripty LibreOffice.

  4. Wiźiśo zapiski za „share“ (skripty w zapisu „share“ instalacije LibreOffice), Móje makra (skripty we wužywaŕskem zapisu) a aktualny dokument. Wócyńśo jaden z nich, aby pódprěte skriptowe rěcy wiźeł.

  5. Wócyńśo někaki zapisk skriptoweje rěcy, aby k dispoziciji stojece skripty wiźeł. Wubjeŕśo někaki skript.

  6. Lisćina skriptowych funkcijow se w lisćinowem pólu Eksistěrujuce makra zjawijo. Wubjeŕśo někaku funkciju.

  7. Wubjeŕśo tšojenje z lisćiny a klikniśo na W pórěźe.

Hyperwótkazoju skript pśipokazaś

  1. Stajśo kursor do hyperwótkaza.

  2. Wubjeŕśo Zasajźiś – Hyperwótkaz….

  3. Klikniśo na tłocašk Tšojenja.

  4. Wubjeŕśo a pśipokažćo ako górjejce pódane.

Grafice skript pśipokazaś

  1. Wubjeŕśo grafiku w dokumenśe.

  2. Wubjeŕśo Format – Wobraz – Kakosći… – rejtarik: Makra.

  3. Wubjeŕśo a pśipokažćo ako górjejce pódane.

Formularowemu wóźeńskemu elementoju skript pśipokazaś

  1. Zasajźćo formularowy wóźeński element, na pśikład tłocašk: Wócyńśo symbolowu rědku Formularowe wóźeńske elementy, klikniśo na symbol Tłocašk, rozćěgniśo tłocašk na swójom dokumenśe.

  2. Klikniśo z wubranym formularowym wóźeńskim elementom na Wóźeński element w symbolowej rědce Formularowe wóźeńske elementy.

  3. Klikniśo na rejtarik Tšojenja dialoga Kakosći.

  4. Klikniśo na jadyn z tłocaškow …, aby dialog wócynił, źož móžośo wubranemu tšojenjeju skript pśipokazaś.

Wóźeńskemu elementoju w dialogu LibreOffice Basic skript pśipokazaś

  1. Wócyńśo dialogowy editor LibreOffice Basic a napórajśo pón dialog z wóźeńskim elementom w njom.

  2. Klikniśo z pšaweju tastu na wóźeński element a wubjeŕśo pón Kakosći.

  3. Klikniśo na rejtarik Tšojenja dialoga Kakosći.

  4. Klikniśo na jadyn z tłocaškow …, aby dialog wócynił, źož móžośo wubranemu tšojenjeju skript pśipokazaś.

Pšosym pódprějśo nas!