Změny nagraś
Pśeźěłowańska funkcija jo w LibreOffice za tekstowe dokumenty a tabelowe dokumenty k dispoziciji.
Nic wšykne změny su nagrate. Na pśikład změnjanje wusměrjenja tabulatora (↹) wótlěwa dopšawa se njenagrajo. Ale wšykne zwucone změny, kótarež jo korektor pśewjadł, se nagraju, na pśikład pśidaśa, wulašowanja, tekstowe změny a zwucone formatěrowanja.
-
Aby nagraśe změnow zachopił, wócyńśo dokument, kótaryž se ma wobźěłaś a wubjeŕśo Wobźěłaś – Změny slědowaś a pón Nagraś.
-
Pśewjeźćo něnto swóje změny. Zawupytnjośo, až su wšykne nowe tekstowe pasaže, kótarež zapódawaśo, barwojto pódšmarnjone, mjaztym až wšen tekst, kótaryž lašujośo, widobny wóstanjo, se pak pśešmarnjo a w barwje pokazujo.
-
Jolic pokazowak myški k markěrowanej změnje gibjośo, wiźiśo referencu na typ změny, awtora, datum a cas dnja změny w pomocnem teksće. Jolic nastajenje Rozšyrjone pokazki jo zmóžnjone, wiźiśo teke k dispoziciji stojece komentary pśi toś tej změnje.
Změny w tabelowem dokumenśe se pśez ramik wokoło celow wuzwiguju; gaž na celu pokazujośo, móžośo dalšne pódrobne informacije wó toś tej změnje w pomocnem teksće wiźeś.
Stajśo kursor do wobceŕka změny a wubjeŕśo pón Wobźěłaś – Změny slědowaś – Komentěrowaś…, aby komentar wó kuždej nagratej změnje zapódał. Pśidatnje k rozšyrjonym pokazkam se komentar teke w lisćinje w dialogu Změny zastojaś pokazujo.
Aby nagraśe změnow skóńcył, wubjeŕśo znowego Wobźěłaś – Změny slědowaś – Nagraś. Kokulka se wótwónoźijo a móžośo něnto dokument składowaś.
W tekstowem dokumenśe móžośo wšykne smužki wuzwignuś, kótarež sćo změnił z pśidatnym barwojtym markěrowanim. To móžo na pśikład cerwjena linija na kšomje byś.
Aby nastajenja za slědowanje změnow změnił, wubjeŕśo – LibreOffice Writer – Změny abo w – LibreOffice Calc – Změny.