Wersije dokumenta pśirownaś
Pśeźěłowańska funkcija jo w LibreOffice za tekstowe dokumenty a tabelowe dokumenty k dispoziciji.
Pśedstajśo se, až maśo někotare sobuawtory abo pśepytowarje, kótarež z wami pśi pisanju wašogo originalnego dokumenta sobu źěłaju. Něźi raz sćelośo kopije swójogo dokumenta na wše pśepytowarje. Pšosyśo jich, aby kopiju wobźěłowali a ju slědk pósłali.
W normalnem paźe pśepytowarje slědowanje změnow z Wobźěłaś – Změny slědowaś – Nagraś zmóžnjaju a móžośo změny lažko wiźeś.
Jolic jaden z awtorow jo pśewjadł změny na dokumenśe, bźez togo aby je nagrał, móžośo změnjony dokument ze swójim originalnym dokumentom pśirownaś.
-
Wócyńśo dokument pśepytowarja a wubjeŕśo pón Wobźěłaś – Změny slědowaś – Dokument pśirownaś….
Wócyńśo pśecej nejpjerwjej nowšy dokumenty a pśirownajśo jen ze staršym dokumentom.
-
Dialog Datajowy wuběrk se zjawijo. Wubjeŕśo swój staršy originalny dokument a wobkšuśćo dialog.
LibreOffice wobej dokumenta z dokumentom pśepytowarja zjadnośujo. Wšykne tekstowe pasaže, kótarež w dokumenśe pśepytowarja wustupuju, ale nic w originalu, se ako zasajźenja wóznamjeniju, a wšykne tekstowe pasaže, kótarež jo pśepytowaŕ wulašował, ako wulašowanja.
-
Móžośo něnto zasajźenja a wulašowanja akceptěrowaś abo wótpokazaś. Na kóńcu móžośo dokument pśepytowarja ako nowy original z nowym mjenim składowaś.