Změny akceptěrowaś abo wótpokazaś

Pśeźěłowańska funkcija jo w LibreOffice za tekstowe dokumenty a tabelowe dokumenty k dispoziciji.

Gaž dokument wobźěłujośo, w kótaremž su druge awtory změny pśewjadli, móžośo jadnotliwe změny abo wšykne změny akceptěrowaś abo wótpokazaś.

1. Jolic sćo pśinjasł někotare kopije dokumenta do wobchada, zjadnośćo toś te w jadnom dokumenśe (glejśo Wersije zjadnośiś).

2. Wócyńśo dokument a wubjeŕśo Wobźěłaś – Změny slědowaś – Zastojaś…. Dialog Změny zastojaś se zjawijo.

3. Wubjeŕśo změnu na rejtariku Lisćina. Změna se w dokumenśe wuběra a pokazujo a móžośo něnto swój rozsud z jadnym z tłocaškow zapódaś.

Jolic jaden awtor jo změnił změnu drugego awtora, wiźiśo změny hierarchiski zrědowane, z plusowym znamuškom, aby hierarchiju wócynił.

Jolic lisćina změnow jo pśedłujka, móžośo k rejtarikoju Filter w dialogu pśejś a pódaś, až cośo jano změny wěstych awtorow abo jano změny zajźonego dnja wiźeś, abo až cośo lisćinu na někaki nałog wobgranicowaś.

Zapiski z barwowym skoděrowanim wuslědk nastajonego filtra pokazuju. Carne zapiski daju se akceptěrowaś abo wótpokazaś a wótpowěduju filtrowym kriterijam. Módre zapiski same filtrowym kriterijam njewótpowěduju, ale maju pódzapiski, kótarež filtrowym kriterijam wótpowěduju. Šere zapiski njedaju se akceptěrowaś abo wótpokazaś a filtrowemu kriteriumoju njewótpowěduju. Zelene zapiski filtrowym kriterijam wótpowěduju, ale njedaju se akceptěrowaś abo wótpokazaś.