Změny nagraś a pokazaś
Pśeźěłowańska funkcija jo w LibreOffice za tekstowe dokumenty a tabelowe dokumenty k dispoziciji.
Gaž někotare awtory na samskem tekstowem abo tabelowem dokumenśe źěłaju, pśeźěłowańska funkcija nagrawa a pokazujo, chtož jo pśewjadł dane změny. Pśi kóńcnem wobźěłanju dokumenta jo pón móžno, se kuždu jadnotliwu změnu woglědaś a rozsuźiś, lěc dejała se akceptěrowaś abo wótpokazaś.
Pśikład: Sćo redaktor a pśepódawaśo swóju nejnowšu rozpšawu. Ale do wózjawjenja musy se rozpšawa wót šefredaktora a korektora cytaś a wobej swóje změny pśidawatej. Šefredaktor „wujasniś“ za wótstawkom pišo a wušmarujo drugi dopołnje. Korektor kontrolěrujo a korigěrujo pšawopis wašogo dokumenta.
Wobźěłany dokument se k wam wrośi a móžośo naraźenja dweju drugeju awtorowu zaźěłaś abo ignorěrowaś.
Myslimy se, až sćo teke pósłał kopiju rozpšawy pśez e-mail na dobrego pśijaśela a kolegu, kenž jo pśewjadł w zajźonosći rešeršu wó pódobnej temje. Sćo jogo pšosył wó někotare naraźenja a dokument jo se něnto wrośił pśez e-mail z naraźenjami wašogo kolegi.
Dokulaž wše waše kolegi a managery we wašom pśedewześu z LibreOffice źěłaju, móžośo kóńcnu wersiju dokumenta z wuslědkow napóraś, kótarež sćo slědk dostał.