Knjepóznaśejucynjenje
Knjepóznaśejucynjenje dokumentow słowa abo źěle dokumenta za awtorizěrowane wužywanje abo wobglědowanje zawěra.
Knjepóznaśejucynjenje sensibelne informacije šćita a pomaga pśedewześam a organizacijam, póstajenja wó dowěrliwosći abo priwatnosći doźaržaś.
Kak knjepóznaśejucynjenje w LibreOffice funkcioněrujo?
Aktualny dokument se do kresleński dokument eksportěrujo, kótaryž se w LibreOffice Draw wobźěłujo. Pśeźěłany tekst abo wopśimjeśe se z kresleńskego dokumenta wótwónoźijo a wuměnijo se z blokom knjepóznaśejucynjenja z pikselow, aby wopytoju zajźowało, spócetne wopśimjeśe wótnowiś abo kopěrowaś. Pśeźěłany kresleński dokument se cesto do PDF za wózjawjenje abo rozdźělenje eksportěrujo.
Pśi knjepóznaśejucynjenju su redigěrowańske formy transparentne a šere, aby wužywaŕ mógał wiźeś, což se k njepóznaśeju cyni.
Žrědłowy dokument (tekst, tabelowy dokument abo prezentacija) njejo pśez redigěrowanje pótrjefjony a dajo se dalej wobźěłowaś.
Składujśo a źělśo kopije dokumenta, kótarež su we wobźěłanju, z kolegami pó žycenju pak w změnjobnem (kreslanka) pak w słownem (PDF) formaśe.
Symbolowa rědka Knjepóznaśejucynjenje
Symbolowa rědka Knjepóznaśejucynjenje ze styrich rědow wobstoj
Rědy Knjepóznaśejucynjenje pśez pšawokut se wužywa, aby wopśimjeśe za knjepóznaśejucynjenje markěrował, gaž transparentne pšawokuty kresliśo, kótarež wopśimjeśe zakšywaju. Wužywajśo pśimki, aby wjelikosć pšawokuta knjepóznaśejucynjenja změnił.
Tłocašk Knjepóznaśejucynjony eksport ma dwě nastajeni:
-
Knjepóznaśejucynjony eksport (carny): Pśetwóŕśo połtransparentne formy knjepóznaśejucynjenja do njewidobnego carnego a eksportěrujśo je ako piksele do PDF-dataje, aby swój dokument wótzamknuł.
-
Knjepóznaśejucynjony eksport (běły): Pśetwóŕśo połtransparentne formy knjepóznaśejucynjenja do njewidobnych běłych formow a eksportěrujśo je ako piksele do PDF-dataje, aby swój dokument wótzamknuł.
Direktny eksport do PDF: Napórajo kopiju dokumenta we wobźěłanju ako PDF, aby słownu kopiju za pśeglědowanje pśepódał