Wopśimjeśe šćitaś w LibreOffice

Slědujo pśeglěd rozdźělnych móžnosćow, z kótarymiž dajo se wopśimjeśe w LibreOffice pśed změnjanim, lašowanim abo pokazowanim šćitaś.

Pśi składowanju dokumenty z gronidłami šćitaś

Wšykne dokumenty, kótarež se we formaśe OpenDocument składuju, daju se z gronidłom składowaś. Dokumenty, kótarež su se składli z gronidłom, njedaju se bźez gronidła wócyniś. Wopśimjeśe jo zawěsćone, až njeby dał se z eksternym editorom cytaś. To za wopśimjeśe, grafiki a OLE-objekty płaśi.

Šćit zmóžniś	Wubjeŕśo Dataja – Składowaś ako… a markěrujśo kontrolny kašćik Z gronidłom šćitaś. Składujśo dokument.
Šćit znjemóžniś	Wócyńśo dokument a zapódajśo pšawe gronidło. Wubjeŕśo Dataja – Składowaś ako… a wótwónoźćo kokulku z kontrolnego kašćika Z gronidłom składowaś.

Pśeźěłowańske wóznamjenjenje šćitaś

Z kuždeju změnu , kótaraž jo se pśewjadła w LibreOffice Calc a LibreOffice Writer, pśeźěłowańska funkcija registrěrujo, chto jo pśewjadł změnu. Toś ta funkcija dajo se ze šćitom zmóžniś, aby se jano znjemóžniła, gaž se pšawe gronidło zapódawa. Až do togo se wšykne změny dalej registrěruju. Njejo móžno, změny akceptěrowaś abo wótpokazaś.

Šćit zmóžniś	Wubjeŕśo Wobźěłaś – Změny slědowaś – Šćitaś…. Zapódajśo a wobkšuśćo gronidło z nanejmjenjej jadnym znamuškom.
Šćit znjemóžniś	Wubjeŕśo Wobźěłaś – Změny slědowaś – Šćitaś…. Zapódajśo pšawe gronidło.

Wobłuki, grafiki a OLE-objekty šćitaś

Móžośo wopśimjeśe, poziciju a wjelikosć zasajźonych grafikow šćitaś. To samske za wobłuki (we Writer) a OLe-objekty płaśi.

Šćit zmóžniś	Na pśikład za grafiki, kótarež su se zasajźili do Writer: Wubjeŕśo Format – Wobraz – Kakosći… – rejtarik: Pozicija a wjelikosć. Markěrujśo Wopśumjeśe, Pozicija a/abo Wjelikosć pód Šćitaś.
Šćit znjemóžniś	Na pśikład za grafiki, kótarež su se zasajźili we Writer: Wubjeŕśo Format – Wobraz – Kakosći… – rejtarik: Pozicija a wjelikosć. Wótwónoźćo póžedanu kokulku pód Šćitaś.

Kresleńske objekty a formularowe objekty šćitaś

Kresleńske objekty, kótarež do swójich dokumentow ze symboloweju rědku Kreslanka zasajźujośo, daju se pśed pśipadnym pśesunjenim a pśipadnymi změnami wjelikosći šćitaś. Móžośo to samske z formularowymi objektami cyniś, kótarež su se zasajźili ze symboloweju rědku Formularowe wóźeńske elementy.

Šćit zmóžniś	Wubjeŕśo Format – Objekt – Pozicija a wjelikosć… – rejtarik: Pozicija a wjelikosć. Markěrujśo kontrolny kašćik Pozicija abo Wjelikosć.
Šćit znjemóžniś	Wubjeŕśo Format – Objekt – Pozicija a wjelikosć… – rejtarik: Pozicija a wjelikosć. Wótwónoźćo kokulku z kontrolnego kašćika Pozicija abo Wjelikosć.