Z reducěrowanymi datami malsnjej śišćaś

Móžośo rozsuźiś, lěc se maju daty reducěrowaś, kótarež za śišćanje wašogo dokumenta trjebne. Nastajenja mógu za direktne śišćanje k śišćakoju abo za śišćanje do dataje rozdźělne byś.

1. Wubjeŕśo – LibreOffice - Śišćaś.

2. Klikniśo na jadnu ze slědujucych nastajeńskich móžnosćow:

   Śišćak – nastajenja za reducěrowanje datow definěrowaś, mjaztym až se do śišćaka śišći.

   Do dataje śišćaś – nastajenja za reducěrowanje datow definěrowaś, mjaztym až se do dataje śišći.

3. Wubjeŕśo kombinaciju styrich nastajenjow a klikniśo pón na W pórěźe.

   Wšykne dokumenty, kótarež wótněnta śišćiśo, změnjone nastajenja wužywaju.

4. Śišććo swój dokument.

Móžośo daty za transparencu, za pśeběgi abo bitmapy reducěrowaś. Gaž daty reducěrujośo, njewiźiśo na wjele śišćakach redukciju śišćaŕskeje kwality. Ale śišćaŕski cas jo wjele krotšy, a gaž do dataje śišćiśo, jo datajowa wjelikosć wjele mjeńša.