Wopśimjeśe we wósebnych formatach zasajźiś

wopśimjeśe, kótarež jo w mjazywótkłaźe składujo, dajo se do wašogo dokumenta zasajźiś wužywajucy rozdźělne formaty. W LibreOffice móžośo wubraś, kak se ma wopśimjeśe z pomocu dialoga abo symbola wuběrańskego menija zasajźiś.

K dispoziciji stojece móžnosći wót wopśimjeśa mjazywótkłada wótwisuju.

W tekstowych dokumentach Writer móžośo +Umsch (⇧)+V tłocyś, aby wopśimjeśe mjazywótkłada ako njeformatěrowany tekst zasajźił.

Jolic wurězany abo kopěrowany tekst Writer jo wót proznych znamjenjow wobdany, maju jen za słownu kupku. Pśi zasajźowanju Writer jen šykownje z proznymi znamjenjami wobdawa, aby jen ako słownu kupku wobchował: wót drugich znamuškow źělony, wobinjo se pak duplicěrowanje proznych znamjenjow. Jolic tekst jo se ako njeformatěrowany tekst zasajźił, se toś to źiwanje ignorěrujo a tekst se tak ako jo zasajźujo, bźez togo aby se prozne znamjenja pśidali.

Wopśimjeśe mjazywótkłada z pomocu symbolowego menija zasajźiś

1. Klikniśo na šypku pódla symbola Zasajźiś na symbolowej rědce Standard, aby meni wócynił.

2. Wubjeŕśo jadnu z móžnosćow.

Jolic se wam wuslědk njespódoba, klikniśo na symbol Anulěrowaś a zasajźćo pón znowego z drugeju móžnosću.

Wopśimjeśe mjazywótkłada z pomocu dialoga zasajźiś

1. Wubjeŕśo Wobźěłaś – Wopśimjeśe zasajźiś.

2. Wubjeŕśo jadnu z móžnosćow a klikniśo na W pórěźe.

Jolic sćo w tabelowem dokumenśe a wopśimjeśe mjazywótkłada su cele tabelowego dokumenta, se drugi dialog Wopśimjeśe zasajźiś zjawijo. Wužywajśo dialog Wopśimjeśe zasajźiś, aby cele ze zakładnymi abo rozšyrjonymi nastajenjami kopěrował.

• Transponěrowaś: wuměnja smužki a słupy celowego wobceŕka, kótaryž se ma zasajźiś.

• Zwězaś: zasajźujo celowy wobceŕk ako zwězanje. Jolic se žrědłowa dataja změnja, se zasajźone cele teke změnjaju.

• Druge nastajenja se na bokach pomocy wujasnjuju, gaž dialog Wopśimjeśe zasajźiś w LibreOffice Calc wócynjaśo.