Palety barwow, pśeběgow a šrafurow zacytaś

Móžośo rozšyrjenja LibreOffice wužywaś, aby palety barwow, pśeběgow abo šrafurow pśidał.

Aby paletu barwow zacytał:

Direktnje ze zastojnika rozšyrjenjow

Jolic maśo swójsku paletu, kótaraž jo ako rozšyrjenje k dispoziciji, wužywajśo zastojnik rozšyrjenjow, aby paletu w LibreOffice zacytał:

1. Wócyńśo zastojnik rozšyrjenjow.

2. Klikniśo na Pśidaś

3. Wubjeŕśo rozšyrjeńsku dataju (zwětšego dataja z datajoweju kóńcowku oxt

4. Klikniśo na W pórěźe. Pšose was, LibreOffice znowego startowaś.

Z dialoga Płonina

Gaž palety barwow z dialoga Płonina zacytujośo, se dialog ze wšymi paletami barwow pokazujo, kótarež su na websedle rozšyrjenjow LibreOffice k dispoziciji.

1. Wubjeŕśo Format – Płonina… – rejtarik: Płonina a klikniśo pón na tłocašk Barwy.

2. Klikniśo na symbolowy tłocašk Barwowe palety pśez rozšyrjenje pśidaś. Dialog se ze wšymi barwowymi paletami, kótarež su k dispoziciji, na sedle rozšyrjenjow LibreOffice zjawijo.

3. Pytajśo barwowu paletu, kótaruž cośo zacytaś a klikniśo pón na Instalěrowaś.

4. Zacyńśo dialog rozšyrjenjow. Pšose was, LibreOffice znowego startowaś.

Wó standardnych barwowych paletach:

Barwowa lisćina freieFarbe HLC na modelu CIELAB bazěrujo a jo za profesionelne śišćanje CMYK optiměrowana.

Barwy w paletach kombatibelnosć a HTML su za pokazowanje z rozeznaśim 256 barwow optiměrowane.

Palety „LibreOffice“ a „Material“ oficialnej paleśe LibreOffice a Material Design wopśimujotej.

Paleta „tonal“ sajźbu barwow bitujo, kótarež su pó kontrasće luminance organizěrowane a na rozdźělnej hardware funkcioněruju.

Aby paletu pśeběgow a šrafurow zacytał: