Formatěrowanje z rědom Formatěrowanje pśenosowaś kopěrowaś

Wužywajśo rěd Formatěrowanje pśenosowaś, aby formatěrowanje z tekstowego wuběrka abo objekta kopěrował a formatěrowanje na drugi tekstowy wuběrk abo objekt nałožył.

Wubjeŕśo tekst abo objekt, kótaregož formatěrowanje cośo kopěrowaś.
Klikniśo w symbolowej rědce Standard na symbol Formatěrowanje pśenosowaś. Kursor myški se do barwowego zbóraška změnijo.
Wubjeŕśo tekst abo objekt, na kótaryž cośo formatěrowanje nałožyś abo klikniśo na njen.

Jolic cośo formatěrowanje na někotare wuběrki nałožyś, klikniśo dwójcy na symbol Formatěrowanje pśenosowaś . Za tym až sćo nałožył wšykne formatěrowanja, klikniśo znowego na symbol.

Pó standarźe se jano znamjenjowe formatěrowanje kopěrujo; aby wótstawkowe formatěrowanje zapśimjeł, źaržćo tastu tłoconu, gaž klikaśo. Aby jano wótstawkowe formatěrowanje kopěrował, źaržćo +Umsch (⇧) tłoconej,gaž klikaśo.

W Calc rěd Formatěrowanje pśenosowaś jano formatěrowanje kopěrujo, kótarež jo se nałožyło z dialogom Format – Cele… abo drugimi rownogódnymi metodami. Togodla se formatěrowanje, kótarež se direktnje na znamuška nałožujo, gaž tekst w celi wuběraśo a pón do dialoga Format – Znamuško… źośo, z rědom Formatěrowanje pśenosowaś njekopěrujo.

Wótstawkowe formaty su formaty, kótarež se na ceły wótstawk nałožuju. Znamjenjowe formaty se na źěl wótstawka nałožuju. Jolic na pśikład na format Tucny na ceły wótstawk nałožujośo, jo format Tucny wótstawkowy format. Jolic za źěl wótstawka format Tucny wótpórajośo, jo format Tucny hyšći wótstawkowy format, ale źěl, za kótaryž sćo wótpórał format Tucny, ma „Njetucny“ ako znamjenjowy format.

Slědujuca tabela formatěrowańske atributy wopisujo, kótarež móžo rěd Formatěrowanje pśenosowaś kopěrowaś:

Wuběrkowy typ	Komentar
Nic wubrane, ale kursor jo w tekstowem wótrězku	Kopěrujo formatěrowanje aktualnego wótstawka a znamjenjowe formatěrowanje pśiducego znamuška k směroju tekstowego běga.
Tekst jo wubrany	Kopěrujo formatěrowanje slědnego wubranego znamuška a wótstawka, kótaryž toś to znamuško wopśimujo.
Wobłuk jo wubrany	Kopěrujo wobłukowe atributy, kótarež su w dialogu Format – Wobłuk a Objekt – Kakosći… definěrowane. Wopśimjeśe, wjelikosć, pozicija, zwězanje, hyperwótkaze a makra we wobłuku se njekopěruju.
Objekt jo wubrany	Kopěrujo objektowe formatěrowanje, kótarež jo w dialogoma Format – Grafika… abo Format – Kresleński objekt definěrowane. Wopśimjeśe, wjelikosć, pozicija, hyperwótkaze a makro w objekśe se njekopěruju.
Formularowy wóźeński element jo wubrany	Njepódpěra se
Kresleński objekt jo wubrany	Kopěrujo wšykne formatěrowańske atributy. W Impress a Draw se tekstowe wopśimjeśe objekta teke kopěrujo.
Tekst w Calc jo wubrany	Njepódpěra se
Tabela abo cele Writer su wubrane	Kopěrujo formatěrowanje, kótarež jo w rejtarikami Tabela, Tekstowy běg, Ramiki a Slězyna w dialogu Format – Tabela… pódane. Wótstawkowe a znamjenjowe formatěrowanje se teke kopěrujotej.
Tabele abo cele Calc su wubrane	Kopěrujo celowe formatěrowanje, kótarež jo w dialogu Format – Cele… pódane.
Tekst w tabeli Impress jo wubrany	Kopěrujo formatěrowańske atributy, kótarež se na wšykne znamuška w celi nałožuju. Formatěrowanje dajo se jano w samskej tabeli kopěrowaś.
Tabela abo cele Impress su wubrane	Njepódpěra se

Format pśenosowaś