Nawigator za dokumentowy pśeglěd

Wšykno wopśimjeśe wokna Nawigatora se how ako „kategorije“ wóznamjenijo, lěc nadpisma, tabele, wobłuki, grafiki, OLE-objekty, wótrězki, hyperwótkaze, reference, zapise, komentary lěc kresleńske objekty.

Nawigator typy objektow pokazujo, kótarež su w dokumenśe wopśimjone. Jolic se plusowy symbol (+) pódla kategorije zjawijo, to pódawa, až nanejmjenjej jaden objekt toś togo typa eksistěrujo. Jolic z pokazowakom myški nad mjenim kategorije zastawaśo, se licba objektow w rozšyrjonej pokazce pokazujo.

Klikniśo na plusowy symbol, aby kategoriju wócynił. Jolic cośo se jano wěstu kategoriju woglědaś, wubjeŕśo kategoriju a klikniśo na symbol Wopśimjeśe nawigaciskego naglěda. Daniž na symbol znowego njeklikaśo, se jano objekty toś teje kategorije pokazuju.

Móžośo Nawigator ku kšomje dokumenta pśidokowaś abo jen slědk do lichego wokna stajiś (klikniśo dwójcy na šery wobceŕk). Móžośo wjelikosć Nawigatora změniś, gaž jo liche wokno.

Pšosym pódprějśo nas!