Microsoft Office a LibreOffice wužywaś

LibreOffice móžo dokumenty w datajowych formatach Microsoft Office wócyniś a składowaś, inkluziwnje formaty Open XML Microsoft Office.

Dataju Microsoft Office wócyniś

  1. Wubjeŕśo Dataja – Wócyniś…. Wubjeŕśo dataju Microsoft Office w dialogu Wócyniś LibreOffice.

Dataja MS Office …

… se w modulu LibreOffice wócynja

Microsoft Word, *.doc, *.docx

LibreOffice Writer

Microsoft Excel, *.xls, *.xlsx

LibreOffice Calc

Microsoft PowerPoint, *.ppt, *.pps, *.pptx

LibreOffice Impress


Ako dataju Microsoft Office składowaś

  1. Wubjeŕśo Dataja – Składowaś ako….

  2. Wubjeŕśo w pólu Datajowy typ datajowy format Microsoft Office.

Dokumenty pó standarźe we formatach Microsoft Office składowaś

  1. Wubjeŕśo Zacytaś/Składowaś – Powšykne.

  2. Wubjeŕśo nejpjerwjejwe wobceŕku Nastajenja za standardny datajowy format a ODF dokumentowy typ a pón datajowy typ za składowanje.

Wótněnta se Datajowy typ pó wašom wuběrku staja, jolic dokument składujośo. Móžośo zawěsće hyšći drugi datajowy typ w dialogu Składowaś wubraś.

Wjele datajow Microsoft Office do formata OpenDocument pśetwóriś

Asistent Dokumentowy konwerter wšykne dataje Microsoft Office w zarědniku do dokumentow LibreOffice w datajowem formaśe OpenDocument pśetwórjujo. Móžośo zarědnik pódaś, kótaryž se ma cytaś a zarědnik, źož se maju pśetwórjone dataje składowaś.

  1. Wubjeŕśo Dataje – Asistenty – Dokumentowy konwerter…, aby asistent startował.

Makra w Microsoft Office a LibreOffice

Z mało wuwześami Microsoft Office a LibreOffice njamóžotej samski makrowy kod wuwjasć. Microsoft Office kod VBA /Visual Basic for Apllications) wužywa, a LibreOffice kod Basic na zakłaźe wokoliny LibreOffice API (Application Program Interface) wužywa. Lěcrownož programěrowańska rěc jo ta samska, su objekty a metody rozdźělne.

note

Nejnowše wersije LibreOffice mógu někotare skripty Excel Visual Basic wuwjasć, jolic toś tu funkciju w – Zacytaś/Składowaś – VBA-Kakosći zmóžnjaśo.


Jolic makra w jadnom z nałoženjow wužywaśo a cośo samsku funkcionalnosć w drugem nałoženju wužywaś, musyśo makra wobźěłaś. LibreOffice móžo makra zacytaś, kótarež su w datajach Microsoft Office wopśimjone a móžośo pón kod makra w editorje Basic IDE LibreOffice woglědaś a wobźěłaś.

Makra VBA wobchowaś abo wulašowaś

Wócyńśo dokument Microsoft Office, kótaryž kod makra VBA wopśimujo. Změńśo jano normalne wopśimjeśe (tekst, cele, grafiki) a njewobźěłujśo makra. Składujśo dokument ako datajowy typ Microsoft Office. Wócyńśo dataju w Microsoft Office a makra VBA ako do togo funkcioněruju.

Móžośo makra VBA z dataje Microsoft Office pśi zacytanju abo pśi składowanju wulašowaś.

  1. Wubjeŕśo Zacytaś/Składowaś – VBA-Kakosći, aby wobchadanje $[officename z makrom VBA nastajił.

Pšosym pódprějśo nas!