Wó pśetwórjenju dokumentow Microsoft Office
LibreOffice móžo awtomatiski dokumenty Microsoft Office 97/2000/XP wócyniś. Ale z někotarymi wugótowańskimi funkcijami a formatěrowańskimi atributami w kompleksnjejšych dokumentach Microsoft Office LibreOffice rozdźělnje wobchada abo njepódpěra je. Z togo slědujo, až se pśetwórjone dataje wěsty stopjeń manuelnego nowego formatěrowanja pomina. Stopjeń nowego formatěrowanja, kótaryž dajo se wótcakowaś, jo proporcionalny ku kompleksnosći struktury a formatěrowanja žrědłowego dokumenta. LibreOffice njamóžo skripty Visual Basic wuwjasć, ale móžo je zacytaś, aby je analyzěrował.
Nejnowše wersije LibreOffice mógu dokumentowe formaty Open XML Microsoft Office z kóńcowkami docx, xlsx a pptx zacytaś a składowaś. Samske wersije mógu teke někotare skripty Visual Basic Excel wuwjasć, jolic toś tu funkciju w zmóžnjeće.
Slědujuce lisćiny powšykny pśeglěd funkcijow Microsoft Office pódawaju, kótarež mógli k problemam pśetwórjenja wjasć. Te na wašu móžnosć wopśimjeśe pśetwórjonego dokumenta wužywaś abo z nim źěłaś wliw njamaju.
Microsoft Word
-
Awtomatiske formy
-
Změnowe zapiski
-
OLE-objekty
-
Wěste wóźeńske elementy a formularowe póla Microsoft Office
-
Zapise
-
Tabele, wobłuki a wěcejsłupate formatěrowanje
-
Hyperwótkaze a cytańske znamjenja
-
Grafiki Microsoft WordArt
-
Animěrowane znamuška/animěrowany tekst
Microsoft PowerPoint
-
Awtomatiske formy
-
Wótkłony tabulatorow, smužkow a wótstawkow
-
Globalne slězynowe grafiki
-
Zrědowane objekty
-
Wěste multimedijowe efekty
Microsoft Excel
-
Awtomatiske formy
-
OLE-objekty
-
Wěste wóźeńske elementy a formularowe póla Microsoft Office
-
Pivotowe tabele
-
Nowe diagramowe typy
-
Wuměnjone formatěrowanje
-
Někotare funkcije/formule (glejśo dołojce)
Jaden pśikład rozdźělow mjazy Calc a Excel jo wobchadanje z logiskimi gódnotami (boolean). Zapódajśo WĚRNO do celowu A1 a A2.
-
W Calc formula =A1+A2 gódnotu 2 wrośa a formula =SUMA(A1;A2) teke 2 wrośa.
-
W Excel formula =A1+A2 gódnotu 2 wrośa, ale formula =SUMA(A1;A2) 0 wrośa.
Za detailěrowany pśeglěd wó pśetwórjenju dokumentow do a z formata Microsoft Office, glejśo migraciska pśirucka (engelski).
Dokumenty Microsoft Office wócyniś, kótarež su pśez gronidło šćitane
LibreOffice móžo slědujuce dokumentowe typy Microsoft Office wócyniś, kótarež su pśez gronidło šćitane.
|
Format Microsoft Office |
Pódprěta skoděrowańska metoda |
|---|---|
|
Word 6.0, Word 95 |
Słabe skoděrowanje XOR |
|
Word 97, Word 2000, Word XP, Word 2003 |
Skoděrowanje kompatibelne z Office 97/2000 |
|
Word XP, Word 2003 |
Słabe skoděrowanje XOR ze staršych wersijow Word |
|
Excel 2.1, Excel 3.0, Excel 4.0, Excel 5.0, Excel 95 |
Słabe skoděrowanje XOR |
|
Excel 97, Excel 2000, Excel XP, Excel 2003 |
Skoděrowanje kompatibelne z Office 97/2000 |
|
Excel XP, Excel 2003 |
Słabe skoděrowanje XOR ze staršych wersijow Excel |
Dataje Microsoft Office, kótarež su z AES128 skoděrowane, daju se wócyniś. Druge skoděrowańske metody se njepódpěraju.