Makro nagraś

LibreOffice móžo pśikaze nagraś, kótarež se z tastaturu a myšku we Writer a w Calc wuwjedu.

1. Wócyńśo dokument, za kótaryž cośo makro nagraś.

2. Wubjeŕśo Rědy – Makra - Makro nagraś.

   

   Jolic menijowy zapisk Rědy – Makra – Makro nagraś felujo, zawěsććo, až funkcija Nagraśe makrow zmóžniś (móžo wobgranicowanje byś) w – LibreOffice – Rozšyrjone je markěrowana.

   
   

   Wiźiśo mały dialog Makro nagraś z jano jadnym tłocaškom Nagraśe skóńcyś.

3. Wuwjeźćo akcije, kótarež se maju w dokumenśe nagraś.

   Tłocćo tastu Esc, aby wuběrk objekta wótpórał, dokulaž funkcija nagraśa makrow njamóžo toś tu akciju pśez kliknjenje z myšku wuwjasć.

4. Klikniśo na Nagraśe skóńcyś.

   Dialog Makro se zjawijo, w kótaremž móžośo makro składowaś a wuwjasć.

   Jolic cośo nagraśe pśetergnuś, bźez togo aby makro składował, klikniśo na tłocašk Zacyniś dialoga Makro nagraś.

5. Aby makro składował, wubjeŕśo nejpjerwjej objekt, w kótaremž se ma makro w lisćinowem pólu Makro składowaś w składowaś.

6. Jolic cośo makro do noweje biblioteki abo do nowego modula składowaś, klikniśo na tłocašk Nowa biblioteka abo Nowy modul a zapódajśo mě za biblioteku abo modul.

7. Zapódajśo mě za nowe makro w tekstowem pólu Mě makra. Njewužywajśo klucowe słowa ako mě.

8. Klikniśo na Speichern. (słuša k źěłowemu systemoju).

Wobgranicowanja nagraśa makrow

Slědujuce akcije se njenagrawaju:

• Wócynjanje woknow se njenagrawa.

• Akcije, kótarež se w drugem woknje wuwjedu, ako w tom, źož jo se nagraśe startowało, se njenagrawaju.

• Změnjenje woknow se nagrawaju.

• Akcije, kótarež njejsu z wopśimjeśim dokumenta zwězane, se njenagrawaju. Na pśikład změny, kótarež su se pśewjadli w dialogu Nastajenja, w zastojanju makrow a w pśiměrjenju.

• Wuběrki se jano nagrawaju, jolic su se napórali z tastaturu (gibanje kursora), ale nic, gaž se myška wužywa.

• Nagraśe makrow jano w Calc a we Writer funkcioněrujo.