Linije w teksće kresliś
Móžośo linije ze swójskimi kutami, tłustosću, barwu a drugimi atributami do swójogo teksta integrěrowaś.
Aby atributy a směr linijow definěrował, wužywajśo kresleński objekt Linija ako slědujo:
-
Klikniśo na symbolowej rědce Standard na symbol Kresleńske funkcije pokazaś, aby symbolowu rědku Kreslanka wócynił
-
Klikniśo na symbol Linija. Pokazowak myški do symbola celoweje kśicki z liniju pódla njogo změnja.
Klikniśo w swójom dokumenśe tam, źož se ma linija zachopiś. Źaržćo tastu myški tłoconu a śěgniśo k dypkoju, źož se ma linija kóńcyś. Jolic teke tastu Umsch (⇧) tłoconu źaržyśo, móžośo jano horicontalne, wertikalne a diagonalne linije kresliś.
-
Pušććo tastu myški, gaž linija ma póžedany směr a póžedanu dłujkosć. Móžośo pón dalšne linije kresliś. Tłocćo tastu Esc abo klikniśo na symbol Wubraś ze symboloweje rědki Kreslanka, aby toś tu funkciju skóńcył.
Za tym až sćo kliknuł na symbol Wubraś, móžośo wšykne linije naraz wubraś, gaž na kuždu liniju klikaśo a tastu Umsch (⇧) tłoconu źaržyśo. Toś ten wšakoraki wuběrk wam zmóžnja, wšym zgromadnu barwu, tłustosć abo drugi atribut pśipokazaś.
-
Nałožćo pśeddefiněrowanu wótstawkowu pśedłogu Horicontalna linija, aby horicontalnu liniju napórał. Klikniśo do proznego wótstawka a pón dwójcy na pśedłogu Horicontalna linija we woknje Pśedłogi. Jolic zapisk za horicontalne linije w lisćinje wótstawkowych pśedłogow njejo widobny, wubjeŕśo „Wšykne pśedłogi“ w dolnem lisćinowem pólu.
-
Wubjeŕśo Format – Wótstawk… – Ramiki, aby liniju nad abo pód wótstawkom abo pódla njogo w teksće Writer kreslił.
Awtomatiske linije we Writer
-
Jolic tśi wězawki abo wěcej zapódawaśo, aby nowu smužku w tekstowem dokumenśe Writer zachopił, a tastu Enter tłocyśo, se znamuška wótwónoźuju a pjerwjejšny wótstawk liniju ako dolny ramik dostawa.
Aby jadnotliwu liniju napórał, zapódajśo tśi wězawki (-) abo wěcej abo pódsmužki (_) a tłocćo Enter. Aby dwójnu liniju napórał, zapódajśo tśi znamuška rownosći (=), gwězdki (*), tildy (~) abo dwójne kśicki (#) abo wěcej, a tłocćo pón Enter.
-
Aby awtomatiski nakreslony ramik wótwónoźeł, wubjeŕśo Format – Wótstawk… – rejtarik: Ramiki a wubjeŕśo „Žedne ramiki“.
-
Aby awtomatiske wuměnjenje ramika jaden raz anulěrował, wubjeŕśo Wobźěłaś – Anulěrowaś.
-
Aby awtomatiske ramiki znjemóžnił, wubjeŕśo Rědy – Awtomatiska korektura – Nastajenja awtomatiskeje korektury… – Nastajenja a wótwónoźćo kokulku z Ramik nałožyś.
Linije a druge kresleńske objekty, kótarež do teksta zasajźujośo, njejsu w HTML definěrowane, a njeeksportěruju se togodla direktnje do formata HTML. Eksportěruju se město togo ako grafiki.
Gaž linijowu tłustosć zapódawaśo, móžośo měrjeńsku jadnotku pśipowjesaś. Linijowa tłustosć nul k śańkej smužce z tłustosću jadnogo piksela wudawańskego mediuma.