Pomoc za LibreOffice 25.2
Wubjeŕśo Dataja – Nowy – Wizitki, aby dialog Wizitki wócynił, w kótaremž móžośo póstajiś, kak waše wizitki maju wuglědaś.
Móžośo etikety ako teke wizitki z dialogom Etikety naceriś.
Wubjeŕśo Dataja – Nowy – Etikety, aby dialog Etikety wócynił.
Nastajśo etiketowy format we wobceŕku Format w rejtariku Etikety.
LibreOffice Writer wjele formatow łopjenow za etikety, nalěpki a wizitki wopśimujo, kótarež su we wikowanju k dostaśeju. Móžośo teke druge, swójske formaty pśidaś.
Wubjeŕśo w rejtariku Etikety we wobceŕku Napis tekst, kótaryž maju etikety wopśimowaś.
To su cesto póla datoweje banki, kótarež zmóžnjaju, až se etikety z rozdźělnym wopśimjeśim śišće, gaž se na pśikład serijowe listy sćelu. Jo teke móžno, samski tekst na kuždy etiket śišćaś.
Wužywajśo lisćinowej póli Datowa banka a Tabela, aby datowu banku a tabelu wubrał, z kótarejuž se datowe póla bjeru. Klikniśo na šypkowy tłocašk, aby wubrane datowe pólo do wobceŕka Napis pśenosował. Tłocćo Enter, aby smužkowe łamanje zasajźił. Móžośo teke prozne znamjenja a drugi njepśeměnjaty tekst zapódaś.
Na rejtariku Format móžośo swójske etiketowe formaty definěrowaś, kótarež k pśeddefiněrowanym formatam njesłušaju. Aby to cynił, wubjeŕśo „Wužywaŕ“ z lisćinowego póla Typ. Na rejtariku Nastajenja móžośo pódaś, lěc se maju wšykne etikety abo jano wěste z nich napóraś.
Zawěsććo na rejtariku Nastajenja, až pólo Wopśimjeśe synchronizěrowaś jo wubrane. Jolic to jo wubrane, trjeba se etiket jano jaden raz zapódaś (na etikeśe górjejce nalěwo) a wobźěłaś.
Klikniśo na Nowy dokument, aby nowy dokument z nastajenjami napórał, kótarež sćo zapódał.
Gaž na Nowy dokument klikaśo, wiźiśo małe wokno z tłocaškom Etikety synchronizěrowaś. Zapódajśo prědny etiket. Gaž na tłocašk Etikety synchronizěrowaś klikaśo, se aktualny jadnotliwy etiket do wšych drugich etiketow na łopjenje kopěrujo.