Tastowe skrotconki (LibreOffice bźezbariernosć)

Móžośo LibreOffice wóźiś, bźez togo aby myšku wužywał, jano tastaturu.

Na głownem boku pomocy kuždego modula (na pśikład głowny bok pomocy LibreOffice Writer abo LibreOffice Calc) jo wótkaz, z kótarymž pśistup k pomocy tastowych skrotconkow za ten modul maśo.

Mimo togo namakajośo pód klucowym słowom „Bźezbariernosć“ instrukcije kšac pó kšacu wó tom, kak móžośo wubrany modul bźez myški wóźiś.

Bźez myški z wužywaŕskim pówjerchom LibreOffice źěłaś

Menijowu rědku, symbolowe rědki, wokna a dokument aktiwěrowaś

Gaž F6 wóspjet tłocyśo, se fokus změnja a pśejźo slědujuce objekty:

• menijowu rědku,

• kuždu symbolowu rědku wótgórjejka dodołojka a wótlěwa dopšawa

• kužde liche wokno wótlěwa dopšawa,

• dokument

Tłocćo Umsch (⇧)+F6, aby objekty w nawopacnem pórěźe pśejšeł.

Tłocćo +F6, aby do dokumenta skócył.

Tłocćo F10, aby do menijoweje rědki a slědk pśejšeł.

Tasta Esc wócynjony pódmeni, symbolowu rědku abo aktualne liche wokno zacynja.

Menijowy pśikaz wołaś

Tłocćo abo F6 abo F10, aby prědny meni (meni Dataja) wubrał. Ze šypku napšawo (→) se pśiducy meni napšawo pódla wuběra, ze šypku nalěwo (←) pjerwjejšny meni.

Šypka dołoj (↓) wubrany meni wócynja. Pśidatna šypka (↓) dołoj a šypka górjej (↑) wuběrk pó menijowych pśikazach gibjotej. Ze šypku napšawo (→) eksistěrujuce pódmenije wócynjaśo.

Tłocćo Enter, aby wubrany menijowy pśikaz wuwjadł.

Symbolowy pśikaz wuwjasć

Tłocćo wóspjet F6, daniž prědny symbol na symbolowej rědce njejo wubrany. Wužywajśo šypku napšawo (→) a šypku nalěwo (←), aby symbol w horicontalnej symbolowej rědce wubrał. Na pódobny nałog móžośo šypku górjej (↑) ) a šypki dołoj (↓) wužywaś, aby wertikalnu symbolowu rědku wubrał. Tasta Pos1 prědny symbol a tasta Ende slědny symbol wuběra.

Tłocćo Enter, aby wubrany symbol wuwjadł. Jolic se wubrany symbol w normalnem paźe akciju myški pomina, na pśikład, aby se pšawokut zasajźił, tasta Enter njedosega: W toś tych padach tłocćo +Enter.

• Tłocćo +Enter, aby kresleński objekt napórał. Kresleński objekt se wesrjejź naglěda z pśeddefiněrowaneju wjelikosću placěrujo.

• Tłocćo +Enter na wuběrańskem rěźe, aby prědny kresleński objekt w dokumenśe wubrał. Jolic cośo wubrany kresleński objekt wobźěłaś abo pśesunuś, abo jogo wjelikosć změniś, wužywajśo nejpjerwjej +F6, aby fokus w dokumenśe stajił.

Jolic symbolowa rědka jo dlejša ako wjelikosć wobrazowki, pokazujo symbol na pšawej abo dolnej kšomje. Wubjeŕśo symbolowu rědku a tłocćo Bild ↑ abo Bild ↓, aby zbytne symbole pokazał.

Wósebne pokazki za symbolowe rědki

Tłocćo šypku dołoj (↓) abo šypku napšawo (→), aby wubranu symbolowu rědku wócynił. To kliknjenjeju z myšku wótpowědujo. Wužywajśo w symbolowej rědce tasće šypka napšawo (→) a šypka nalěwo (←). Tasće Pos1 a Ende prědny resp. slědny symbol w symbolowej rědce wuběratej.

Zacyńśo symbolowu rědku z Esc. Njejo móžno, symbolowu rědku bźez myški pśesunuś.

Wuběrk z kombinaciskego póla

Wuběrk w tabelach

W někotarych woknach, dialogach a w pólu tabelowego wóźeńskego elementa su tabele, z kótarychž daju se daty wubraś, na pśikład w pšawem źělu naglěda datowego žrědła. Slědujuce tasty se za wuběrki w toś tych tabelach wužywaju:

• Prozna tasta: Pśešaltujo mjazy wuběrkom aktualneje smužki a anulěrowanim wuběrka, ale nic, jolic aktualna cela jo we wobźěłańskem modusu.

• +prozna tasta: pśešaltujo mjazy wuběrkom aktualneje smužki a anulěrowanim toś togo wuběrka.

• +Umsch (⇧)+prozna tasta: pśešaltujo mjazy wuběrkom aktualnym słupom a anulěrowanim toś togo wuběrka.

• +šypka górjej (↑) abo +šypka dołoj (↓): Pśesuwa woknowe źěleńske znamuško mjazy tabelu a formularom, na pśikład w literarnej datowej bance.

• W tabelowem wóźeńskem elemenśe abo w naglěźe datowego žrědła, tabulatorowa tasta (↹) k pśiducemu słupoju gibjo. Aby se k pśiducemu wóźeńskemu elementoju gibnuł, tłocćo +tabulator (↹). Aby k pjerwjejšnemu wóźeńskemu elementoju pśejšeł, tłocćo Umsch (⇧)++tabulator (↹).

Wjelikosć a pozicija woknow a dialogow

1. Tłocćo nejpjerwjej +prozna tasta.

   Systemowy meni se z menijowymi pśikazami ako Pśesunuś, Wjelikosć změniś a Zacyniś wócynja.

2. Wubjeŕśo pśikaz (šypka dołoj (↓), pón Enter).

3. Móžośo něnto šypkowe tasty wužywaś, aby dialog abo wokno pśesunuł abo jogo wjelikosć změnił.

4. Tłocćo Enter, aby změnu akceptěrował. Tłocćo Esc, aby změny zachyśił.

Wokna a symbolowe rědki pśidokowaś a wótdokowaś

1. Tłocćo F6, daniž wokno abo symbolowa rědka njejstej wubranej.

2. Tłocćo +Umsch (⇧)+F10.

Objekty wubraś

Tłocćo Umsch (⇧)+F4, aby prědny objekt w aktualnem dokumenśe wubrał. Gaž se objekt wuběra, tłocćo tabulatorowu tastu (↹), aby pśiducy objekt wubrał, abo tłocćo Esc, aby se k tekstoju wrośił.

Objekty wobźěłaś

Wubrany OLE-objekt dajo se z tastu Enter aktiwěrowaś.

Poziciju a wjelikosć objektow wobźěłaś

• Wužywajśo šypkowe tasty, aby wubrany objekt wó jadnu kśidnowu jadnotku pśesunuł.

  Stajśo kśidnowu jadnotku z – LibreOffice Writer – Kśidno we wobceŕku Rozeznaśe. Jolic licbu do wobceŕka Rozrědowanje zapódawaśo, kótaraž jo wětša ako 1, musyśo šypkowu tastu tak cesto tłocyś ako licba pódawa, aby wubrany objekt wó jadnu kśidnowu jadnotku pśesunuł.

• Wužywajśo a šypkowe tasty, aby wubrany objekt wó jaden piksel pśesunuł.

• Wužywajśo +tabulator (↹), aby k wobźěłańskemu modusoju pśimkow pśejšeł. Górny lěwy pśimk jo aktiwny pśimk, zachopina blinkaś. Wužywajśo +tabulator (↹), aby pśiducy pśimk wubrał. Tłocćo Esc, aby wobźěłański modus pśimkow spušćił.

• We wobźěłańskem modusu pśimkow šypkowe tasty wubrany pśimk pśesuwaju, kótaryž wjelikosć objekta změnja.

Zakokulenje objektow wobźěłaś

Móžośo kokulku objekta ze šypkowymi tastami pśesunuś. Pśejźćo nejpjerwjej do wobźěłańskego modusa pśimkow a wubjeŕśo kokulku. Wótwisujucy wót typa kokulki móžośo pón kokulku k rozdźělnym směram pśesunuś.

1. Wubjeŕśo objekt.

2. Pśejźćo do wobźěłańskego modusa pśimkow z +tabulator (↹).

3. Górny lěwy pśimk zachopina blinkaś. Tłocćo wěcej raz +tabulator (↹), daniž žedne pśimki njeblinkaju. To signalěrujo, až něnto kokulka objekta jo zaktiwěrowana.

4. Wužywajśo šypkowe tasty, aby kokulku pśesunuł. Objekt kokulce pó tom slědujo.

Móžośo kokulku wubranego objekta změniś, na pśikład w kontekstowem meniju objekta.

• Jolic objekt jo na wótstawku zakokulony, šypkowe tasty objekt k pjerwjejšnemu abo pśiducemu wótstawkoju gibju.

• Jolic objekt jo na boku zakokulony, tasće Bild ↑ abo Bild ↓ jen k pjerwjejšnemu abo pśiducemu bokoju pśesuwatej.

• Jolic objekt jo na znamušku zakokulony, šypkowe tasty jen pó aktualnem wótstawku gibju.

• Jolic objekt jo ako znamuško zakokulony, kokulka njeeksistěrujo. Njamóžośo objekt pśesunuś.

• Jolic objekt jo na wobłuku zakokulony, šypkowe tasty jen k pśiducemu wobłukoju we wótpowědnem směrje gibju.

Naglěd datowego žrědła wóźiś

+ Umsch (⇧) + F4 naglěd datowego žrědła wócynja a zacynja.

F6: Pśešaltujo mjazy dokumentom a symbolowymi rědkami.

+ (plus): Pokazujo wubrany zapisk w eksplorerje datowych žrědłow.

- (minus): Złožujo wubrany zapisk w eksplorerje datowych žrědłow.

+Umsch (⇧)+E: Pśešaltujo mjazy eksplorerom datowych žrědłow a tabelu.

Tastowe skrotconki we woknje Wótpšašowańske nacerjenje

F6: Pśešaltujo mjazy objektoweju rědku, tabelowym naglědom a wuběrańskim wobceŕkom.

+šypka górjej (↑) abo +šypka dołoj (↓): Pśesuwa ramik mjazy tabelowym naglědom a wuběrańskim wobceŕkom górjej abo dołoj.

Tasty w tabelowem naglěźe (górny wobceŕk wótpšašowańskego nacerjenja) a we woknje Relacije

+šypkowa tasta: Pśesuwa wubranu tabelu k směroju šypki.

+Umsch (⇧)+šypkowa tasta: Změnja wjelikosć wubraneje tabele w tabelowem naglěźe.

Entf: Wótwónoźijo wubranu tabelu abo zwisk z tabelowego naglěda.

Tabulator (↹): Pśešaltujo mjazy tabelami a zwiskami w tabelowem naglěźe.

Enter: Gaž zwisk jo wubrany, tasta Enter dialog Kakosći zwiska wócynja.

Enter: Gaž tabela jo wubrana, tasta Enter prědne datowe pólo z lisćinowego póla do wuběrańskego wobceŕka zasajźujo.

Tasty we wuběrańskem wobceŕku (dolny wobceŕk wótpšašowańskego nacerjenja)

+šypka nalěwo (←) abo šypka napšawo (→): Pśesuwa wubrany słup dolěwa abo dopšawa.

Tasty we woknje Tabelowe nacerjenje

F6: Pśešaltujo mjazy symboloweju rědku, słupowym naglědom a wobceŕkom Kakosći.

Editor wobrazowych kórtow wóźiś

• Tłocćo tabulatorowu tastu (↹), aby symbol wubrał. Jolic sćo wubrał jaden ze symbolow wót Pšawokut do z ruku kreslonego polygona wubrał a +Enter tłocyśo, se objekt wubranego typa w standardnej wjelikosći napórajo.

• Jolic Enter tłocyśo, mjaztym až symbol Wubraś jo wubrany, se fokus do wobrazowego wokna editora wobrazowych kórtow staja. Tłocćo Esc, aby fokus slědk na symbole a zapódawańske póla stajił.

• Jolic symbol Wubraś jo wubrany a wy +Enter tłocyśo, se prědny objekt we wobrazowem woknje wuběra.

• Wužywajśo symbol Dypki wobźěłaś, aby do modusa wobźěłanja dypkow za wjelerožki a slědk pśejšeł.

• Wužywajśo +tabulator (↹) we wobrazowem woknje, aby pśiducy dypk wubrał. Wužywajśo Umsch (⇧)++tabulator (↹), aby pjerwjejšny dypk wubrał.

• Wužywajśo tastu Entf z fokusom we wobrazowem woknje, aby wubrany objekt wulašował.

Pomoc wóźiś

Tłocćo Umsch (⇧)+F1, aby rozšyrjone pokazki za tuchylu wubrany pśikaz, symbol abo wóźeński element pokazał.

Pó głownych bokach pomocy nawigěrowaś

• Wužywajśo w głownych bokach pomocy tabulatorowu tastu (↹), aby k pśiducemu hyperwótkazoju skócył, abo Umsch (⇧)+tabulator (↹), aby k pjerwjejšnemu wótkazoju skócyił.

• Tłocćo Enter, aby wubrany hyperwótkaz wuwjadł.

• Tłocćo slědkstajeńsku tastu (⌫, ←) nad tastu Enter, aby se k pjerwjejšnemu bokoju pomocy wrośił.

Dialog Tekstowy import (import CSV-dataje) wóźiś

Lineal

• Šypka nalěwo (←) abo Šypka napšawo (→): Skócyjo wó jadnu poziciju dolěwa abo dopšawa

• +šypka nalěwo (←) abo +šypka napšawo (→): skócyjo k pjerwjejšnemu abo pśiducemu źělenjeju

• +Umsch (⇧)+šypka nalěwo (←) abo +Umsch (⇧)+šypka napšawo (→): pśesuwa źělenje wó jadnu poziciju dolěwa abo dopšawa

• Pos1 abo Ende: Skócyjo k prědnej abo slědnej móžnej poziciji

• +Pos1 abo +Ende: skócyjo k prědnemu abo slědnemu źělenjeju

• Umsch (⇧)++Pos1 abo Umsch (⇧)++Ende: pśesuwa źělenje k prědnej abo slědnej poziciji

• Prozna tasta: źělenje zasajźiś abo wótwónoźeś

• Einfg: źělenje zasajźiś (eksistěrujuce źělenja njezměnjone wóstajiś)

• Entf: źělenje wulašowaś

• Umsch (⇧)+Entf: wšykne źělenja wulašowaś

• Šypka górjej (↑) abo šypka dołoj (↓): kula tabelu wó jadnu smužku dołoj abo górjej

• Bild ↑ abo Bild ↓: kulniśo tabelu wó jaden boku dołoj abo górjej

• Esc (pśi śěganju z myšku): śěgnjenje pśetergnuś, źělenje k starej poziciji pśesunuś

Pśeglěd

• Šypka nalěwo abo šypka napšawo: Wuběra lěwy abo pšawy słup a lašujo druge wuběrki

• +šypka nalěwo (←) abo +šypka napšawo (→): pśesuwa fokus wó słup dolěwa abo dopšawa (njezměnja wuběrk)

• Umsch (⇧)+šypka nalěwo abo Umsch (⇧)+šypka napšawo: wubrany wobceŕk rozšyriś abo pómjeńšyś

• +Umsch (⇧)+šypka nalěwo (←) abo +Umsch+šypka napšawo (→): rozšyrja abo pómjeńšujo wubrany wobceŕk (njezměnja druge wuběrki)

• Pos1 abo Ende: wuběra prědny abo slědny słup (wužywajśo Umsch (⇧) abo ako ze šypkowymi tastami)

• Umsch (⇧)+prozna tasta: wuběra wobceŕk wót slědnego wubranego słupa do aktualnego słupa

• +Umsch (⇧)+prozna tasta: wuběra wobceŕk wót slědnego wubranego słupa do aktualnego słupa (njezměnja druge wuběrki)

• +A: wuběra wšykne słupy

• Umsch (⇧)+F10: wócynja kontekstowy meni

• +1 ... +7: staja 1. … 7. słupowy typ za wubrane słupy

• Šypka górjej (↑) abo šypka dołoj (↓): kula tabelu wó jadnu smužku dołoj abo górjej

• Bild ↑ abo Bild ↓: kulniśo tabelu wó jaden boku dołoj abo górjej

• +Pos1 abo +Ende: kula k zachopjeńkoju abo kóńcoju tabele

Dialog Zasajźiś – Wósebne znamuško wóźiś

• Tabulator (↹) wšykne wóźeńske elementy w dialogu pśejźo.

• +šypka dołoj (↓) kombinaciske pólo wócynja. Enter aktualny zapisk w kombinaciskem pólu wuběra.

• Šypkowe tasty se pó głownem wuběrańskem wobceŕku gibju. Prozna tasta lisćinje znamuškow, kótarež se maju zasajźiś, aktualne znamuško pśidawa.