Toś ta funkcija wam zmóžnja, wósebne znamuška do teksta zasajźiś, na pśikład kokulki, kašćiki a telefonowe symbole.
Aby se wšykne znamuška woglědał, wubjeŕśo Zasajźiś – Wósebne znamuško…
Klikniśo dwójcy we wjelikem wuběrańskem pólu na póžedane znamuško, kótarež se ma do aktualnego dokumenta zasajźiś.
W tekstowem zapódawańskem pólu (na pśikład zapódawańske póla w dialogu Pytaś a wuměniś) móžośo Umsch (⇧)+cmd ⌘Strg+S tłocyś, aby dialog wósebne znamuška wócynił.
Na Windows: Aby znamuško z pomocu numeriskego koda zasajźił, tłocćo tastu Alt a źaržćo ju tłoconu, mjaztym až licby na numeriskej tastaturje zapódawaśo. Kod, kótaryž se z 0 zachopina, se ako znamuško Unicode interpretěrujo; howac se gódnoty pód 256 w codepage Windows interpretěruju.
Tuchylu na systemach Unix tśi móžnosći dajo, z kótarymiž daju se pismiki z akcentami direktnje pśez tastaturu zapódaś.
Solaris: Tastaturu Sun wužywaś. Tłocćo nejpjerwjej tastu Compose (⎄) napšawo pódla prozneje tasty a zapódajśo pón prědny a drugi modifikator.
Linux / NetBSD: „Marłe“ tasty wužywaś. Tłocćo we woknje xterm nejpjerwjej tastu (´) abo (`). Znamuško njeměło se na wobrazowce zjawiś. Tłocćo něnto pismik, na pśikład „e“. Toś ten „e“ něnto akcent dostanjo, a „é“ abo „è“ nastawa. Jolic nic, pśeglědujśo w dataji XF86Config, lěc XkbdVariant „nodeadkey“ jo zacytany a wuměńśo jen. Móžośo teke wokolinowu wariablu SAL_NO_DEADKEYS stajiś, kótaraž marłe tasty znjemóžnja.
Wšykne systemy Unix: (Alt Gr) ako pśidatna tasta Compose. (Alt Gr) móžo w LibreOffice ako tastu Compose funkcioněrowaś, jolic wokolinowu wariablu SAL_ALTGR_COMPOSE stajaśo. Tasta (Alt Gr) musy mode_switch zastartowaś, tak musy se na pśikład xmodmap -e "keysym Alt_R = Mode_switch" stajiś. Tłocćo nejpjerwjej (Alt Gr), pón prědny modifikator, pón drugi modifikator. Znamuška se kombiněruju, kak se na systemje Solaris w dataji file /usr/openwin/include/X11/Suncompose.h wopisujo.