Bitmapowe wobraze zasajźiś, wobźěłaś a składowaś

Bitmapy zasajźiś

Bitmapowy wobraz dajo se do dokumentow LibreOffice Writer, LibreOffice Calc, LibreOffice Draw a LibreOffice Impress zasajźiś.

1. Wubjeŕśo Zasajźiś – Wobraz….

2. Wubjeŕśo dataju. W pólu Datajowy typ móžośo wuběrk wěstych datajowych typow wobgranicowaś.

4. Klikniśo do kontrolnego kašćika Zwězaś, jolic cośo zwězanje z originalneju dataju.

   Jolic kontrolny kašćik Zwězaś jo markěrowany, se bitmapowy wobraz znowego zacytajo, gažkuli se dokument aktualizěrujo a zacytajo. Wobźěłańske kšace, kótarež sćo wuwjadł w lokalnej kopiji wobraza w dokumenśe, se znowego nałožuju a wobraz se pokažo.

   Jolic kontrolny kašćik Zwězaś njejo markěrowany, źěłaśo pśecej z kopiju, kótaraž jo se napórała, gaž jo se grafika zasajźiła prědny raz.

   Aby grafiki zasajźił, kótarež su se do togo zasajźili ako zwězanja, źiśo k Wobźěłaś – Zwězanja… a klikniśo na tłocašk Zwězanje źěliś.

5. Klikniśo na Wócyniś, aby wobraz zasajźił.

Bitmapy wobźěłaś

Symbole na symbolowej rědce Wobraz

Gaž bitmapowy wobraz wuběraśo, symbolowa rědka Wobraz rědy za wobźěłanje wobraza bitujo. Jano lokalna kopija se w dokumenśe wobźěłujo, samo gaby wy wobraz ako zwězanje zasajźił.

Rěd filtrow jo we wótrywańskej rědce Wobrazowy filter, kótaruž móžośo ze symbolom na symbolowej rědce Wobraz wócyniś.

Spócetna wobrazowa dataja se pśez filtry njezměnijo. Filtry se jano na jaden wobraz w dokumenśe nałožuju.

Někotare filtry dialog wócynjaju, kótaryž móžośo wužywaś, aby na pśikład intensiwnosć filtra wubraś. Nejwěcej filtrow dajo se wěcej raz nałožyś, aby se filtrowy efekt zmócnił.

Dialog Wobraz

1. Klikniśo z pšaweju tastu na wobraz a wubjeŕśo Wobraz… z pódmenija, aby dialog Kakosći wócynił.

2. Změńśo kakosći wubranego wobraza a klikniśo pón na W pórěźe.

Bitmapy składowaś

Jolic cośo we formaśe ako GIF, JPEG abo TIFF składowaś, musyśo bitmapowy wobraz wubraś a eksportěrowaś.

Bitmap w Draw abo Impress eksportěrowaś:

1. Wubjeŕśo bitmapowy wobraz. Móžośo teke pśidatne objekty wubraś, na pśikład tekst, aby je z wobrazom eksportěrowaś, gaž tastu Umsch (⇧) tłocyśo, mjaztym až wuběrański wobłuk wokoło wšych objektow wuběraśo abo wócynjaśo.

2. Wubjeŕśo Dataja – Eksportěrowaś…. Dialog Eksportěrowaś se wócynijo.

   Pśikaz Eksportěrowaś wobraz ze wšymi nałožonymi filtrowym efektami do dataje pišo. Pśikaz Wobraz składowaś… w kontekstowem meniju wobraz bźez filtrowych efektow składujo, jolic wobraz jo se ako zwězany wobraz zasajźił. Zasajźony wobraz se pśecej z nałožonymi filtrami składujo abo eksportěrujo.

3. Wubjeŕśo w pólu Datajowy format póžedany datajowy format, na pśikład GIF abo JPEG.

4. Jolic cośo jano wubrane objekty eksportěrowaś, markěrujśo kontrolny kašćik Wuběrk.

   Jolic Wuběrk njejo markěrowany, se ceły bok dokumenta eksportěrujo.

5. Zapódajśo mě za dataju a klikniśo na Eksportěrowaś.

Aby bitmap we Writer eksportěrował: Klikniśo z pšaweju tastu na bitmap a wubjeŕśo „Składowaś…“. Wiźiśo dialog „Wobrazowy eksport“. Zapódajśo datajowe mě a wubjeŕśo datajowy typ.