Wobrazam naklikujobne hotspoty pśidaś

Wobrazowa kórta wam zmóžnja, wěstym wobceŕkam we wobrazu wašogo dokumenta, tak pomjenjonym hotspotam, URL pśipokazaś. Wobrazowa kórta jo kupka z jadnogo hotspota abo z někotarych hotspotow.

Móžośo tśi typy hotspotow kresliś; pšawokuty, elipse a wjelerožki. Gaž na hotspot klikaśo, se URL we woknje abo pódanem wobłuku wobglědowaka wócynja. Móžośo teke tekst pódaś, kótaryž se zjawijo, gaž pokazowak myški jo na hotspośe.

Wobrazoju naklikujobny hotspot pśidaś

  1. Stajśo kursor tam, źož cośo wobrazowu kórtu do swójogo dokumenta zasajźiś.

  2. Wubjeŕśo Zasajźiś – Wobraz…, wubjeŕśo a zasajźćo pón bitmapowy wobraz.

  3. Wubjeŕśo z wubranym wobrazom Rědy – Wobrazowa kórta, aby editor wobrazowych kórtow wócynił, kótaryž wubrany wobraz pokazujo a wobźěłańske rědy za hotspoty wopśimujo.

  4. Wužywajśo symbole w editorje wobrazowych kórtow, aby formu hotspota, na pśikład pšawokut, nad wobrazom w slězynje kreslił.

    Móośo rozšyrjony pomocny tekst wó funkcijach kuždego symbola wiźeś, gaž Rozšyrjone pokazki w – LibreOffice – Powšykne zmóžnjaśo.

  5. Zapódajśo URL ako adresu, kótaryž se we webwobglědowaku pokazujo, gaž wužywaŕ na hotspot klika.

  6. Na žycenje móžośo teke „tekst“ zapódaś, kótaryž se ako pokazka pokazujo, gaž wužywaŕ myšku nad hotspotom źaržy.

  7. Klikniśo na tłocašk Nałožyś, aby swóje změny nałožył a zacyńśo editor wobrazowych kórtow.

  8. Składujśo dokument we formaśe LibreOffice abo HTML.

Móžośo wobrazowu kórtu ako dataju składowaś a tu dataju na webserwer nagraś, na pśikład:

Wobrazowa kórta

Wobrazowa kórta jo na wótkaze sensitiwna grafika abo na wótkaze sensitiwny wobłuk. Móžośo na definěrowane wobłuki grafiki abo wobłuka kliknuś, aby se k celowemu (URL dostał, kótaryž jo na wobłuk wótkazany. Wótkazowe wobłuki se, gromaźe z wótkazanymi URL a wótpowědnym tekstom, kótaryž se pokazujo, gaž pokazowak myški jo nad toś tymi wobłukami, w editorje wobrazowych kórtow definěruju.

Stej dwa rozdźělnej typa wobrazowych kórtow. Wobrazowa kórta z boka klienta se na licadle klienta wugódnośujo, kótarež jo zacytało grafiku z interneta, mjaztym až se wobrazowa kórta z boka serwera na serwerowem licadle wugódnośujo, kótaryž HTML-bok w interneśe k dispoziciji staja. Gaž pśi serwerowem wugódnośenju na wobrazowu kórtu klikaśo, se wótpowědne koordinaty kursora we wobrazu na serwer sćelu, a specialny program na serwerje wótegronijo. Gaž pśi klientowem wugódnośenju na definěrowany hotspot wobrazoweje kórty klikaśo, se URL aktiwěrujo, ako by był normalny tekstowy wótkaz. URL se pód pokazowakom myški zjawijo, gaž jen pó wobrazowej kórśe wjeźośo.

Dokulaž wobrazowe kórty daju se na rozdźělne wašnje wužywaś, daju se w rozdźělnych formatach składowaś.

Formaty wobrazowych kórtow

Wobrazowe kórty se zasadnje do tych, kótarež se na serwerje (t. gr. pśi wašom internetnym póbitowarju) analyzěruju a do tych, kótarež se we webwobglědowaku na licadle cytarja analyzěruju, rozdźěluju.

Wobrazowe kórty z boka serwera

Wobrazowe kórty z boka serwera se cytarjeju ako wobraz abo wobłuk na boku pokazuju. Klikniśo z myšku na wobrazowu kórtu a koordinaty wótpowědneje pozicije se na serwer pósćelu. Z pomocu specialnego programa serwer pśiducy kšac póstaja, kótaryž se ma pśewjasć. Dajo někotare inkompatibelne metody za definěrowanje toś togo procesa, dwě nejdalej rozšyrjonej stej:

LibreOffice wobrazowe kórty za wobej metoźe napórajo. Wubjeŕśo format z lisćiny Dateityp w dialogu Składowaś ako w editorje wobrazowych kórtow. Separatne kórtowe dataje se napóraju, kótarež musyśo na serwer nagraś. Musyśo se swójogo póbitowarja abo seśowego administratora pšašaś, kótary typ wobrazowych kórtow se pśez serwer pódpěra a kak maśo pśistup k programoju wugódnośenja.

Wobrazowa kórta z boka klienta

Wobceŕk wobraza abo ramika, źož cytaŕ móžo kliknuś, se pśez zawězany URL wóznamjenijo, gaž myšku pśez wobceŕk gibjośo. Wobrazowa kórta se w rowninje pód wobrazom składujo a wopśimujo informacije wó referencěrowanych wobceŕkach. Jadnučka njelěpšyna wobrazowych kórtow z boka klienta jo, až starše webwobglědowaki njamógu je cytaś; njelěpšyna, kótaraž pak se skóro wótbydnjo.

Gaž wobrazowa kórta składujośo, wubjeŕśo datajowy typ SIP - StarView ImageMap. Ten wobrazowu kórtu direktnje w formaśe składujo, kótaryž dajo se na kuždy aktiwny wobraz abo wobłuk we wašom dokumenśe nałožyś. Jolic pak cośo jano wobrazowu kórtu na aktualny wobraz abo wobłuk nałožyś, njetrjebaśo ju w specialnem formaśe składowaś. Za tym až sćo definěrował regiony, klikniśo jadnorje na Nałožyś. Wěcej njejo trjeba. Wobrazowe kórty z boka klienta, kótarež su se składli ako HTML, se direktnje w HTML-koźe do boka zasajźuju.

Pšosym pódprějśo nas!