Relatiwne a absolutne wótkaze

Gaž hyperwótkaze zapśěgujośo, musyśo na dwa faktora źiwaś: lěc su pśi składowanju ako relatiwne abo absolutne póstajone a lěc dataja eksistěrujo abo nic.

• Wubjeŕśo – Zacytaś/Składowaś – Powšykne a pódajśo w pólu URL relatiwnje k … składowaś, lěc LibreOffice relatiwne abo absolutne hyperwótkaze napórajo. Relatiwne zwězanja su jano móžne, gaž dokument, na kótaremž źěłaśo, a zwězański cel stej na samskem běgadle.

• Wy měł samsku zapisowu strukturu na swójej twardej plaśe załožyś, ako ta, kótaraž we webrumje eksistěrujo, kótaryž waš internetny póbitowaŕ k dispoziciji staja. Pomjeńśo na pśikład kórjenjowy zapis za startowy bok na swójej twardej plaśe „homepage“. Startowa dataja jo pón „index.html“, dopołna sćažka „C:\homepage\index.html“ (mysli se, až źěłowy system jo Windows). URL na serwerje wašogo internetnego póbitowarja mógał ten byś: „http://www.mójpóbitowaŕ.com/mójbok/index.html“. Z relatiwnym adresěrowanim pódawaśo wótkaz relatiwny k městnoju wudawańskego dokumenta. Jolic na pśikład wšykne grafiki za swój startowy bok w pódzarědniku z mjenim „C:\homepage\wobraze“ zaměstnjujośo, wy dejał slědujucu sćažku pódaś, aby pśistup ku grafice „wobraz.gif“ měł. To jo relatiwna sćažka, zachopinajucy z městnom dataje „index.html“. Na serwerje póbitowarja wy by wobraz w zarědniku „mójbok/wobraze“ zaměstniś. Gaž dokument „index.html“ k serweroju póbitowarja pśez dialog Dataja – Składowaś ako… pśenosujośo, a jolic sćo zmóžnił nastajenje Lokalne wobraze do interneta kopěrowaś pód – Zacytaś/Składowaś – HTML-kompatibelnosć, buźo LibreOffice grafiku awtomatiski do pšawego zapisa na serwerje kopěrowaś.

• Absolutna sćažka ako „C:\homepage\wobraze\wobraz.gif“ wěcej njeby funkcioněrowała na serwerje póbitowarja. Daniž serwer daniž licadło cytarja njetrjeba twardu platu C měś: Źěłowe systemy ako Unix abo macOS pismiki běgadłow njeznaju, a samo, gaby zarědnik homepage\wobraze eksistěrował, waš wobraz njeby k dispoziciji był. Jo lěpjej, relatiwne adresěrowanje za datajowe wótkaze wužywaś.

• Wobraz k webbokoju, na pśikład „www.example.com“ abo „www.mójpóbitowaŕ.com/mójbok/index.html“ jo absolutny wótkaz.

• We wótwisnosći wót togo, lěc dataja, na kótaruž se wótkazujo, we wótkazu eksistěrujo a źož wóna jo, LibreOffice teke rozdźělnje reagěrujo. LibreOffice kuždy nowy wótkaz pśeglědujo a staja awtomatiski cel a protokol. Wuslědk wiźiśo w generěrowanem HTML-koźe, za tym až sćo składł žrědłowy dokument.

• Slědujuce pšawidła płaśe: Relatiwna referenca („wobraz/wobraz.gif“) jo jano móžna, gaž wobej dataji na samskem běgadle eksistěrujotej. Jolic dataji stej na rozdźělnych běgadlach we wašom lokalnem datajowem systemje, absolutna referenca protokoloju „file:“ („file://data1/xyz/wobraz.gif“) slědujo. Jolic dataji stej na rozdźělnych serwerach abo cel wótkaza njejo k dispoziciji, absolutna referenca protokol „http:“ („http://data2/abc/wobraz.gif“) wužywa.

• Źiwajśo na to, až wšykne dataje za swój startowy bok na samskem běgadle ako startowu dataju startowego boka zastojśo. Na toś tu wašnju móžo LibreOffice protokol a cel tak stajiś, aby referenca na serwerje pśecej korektna była.