Hyperwótkaze zasajźiś
Móžośo hyperwótkaze na dwě wašni zasajźiś: ako tekst abo ako tłocašk. We wobyma padoma móžo se widobny tekst rozeznaś.
Stajśo tekstowy kursor w dokumenśe na tom městnje, źož cośo hyperwótkaz zasajźiś abo wubjeŕśo tekst, za kótaryž cośo hyperwótkaz stajiś. Wubjeŕśo pśikaz Hyperwótkaz z menija Zasajźiś. Abo klikaśo na 
symbol Hyperwótkaz w symbolowej rědce Standard. Dialog Hyperwótkaz se zjawijo.
-
Aby do wěsteje smužki w tekstowem dokumenśe skócył, zapódajśo nejpjerwjej cytańske znamje na tej poziciji (Zasajźiś – Cytańske znamje…).
-
Aby do cele w tabelowem dokumenśe skócył, zapódajśo nejpjerwjej mě za celu (Tabela – Pomjenjone wobceŕki a wuraze – Definěrowaś…).
Hyperwótkaze daju se teke pśez śěgnjenje a pušćenje z Nawigatora zasajźiś. Hyperwótkaze mógu se na reference, nadpisma, grafiki, tabele, objekty, zapise abo cytańske znamjenja póśěgowaś.
Jolic cośo hyperwótkaz do teksta zasajźiś, kótaryž se na tabelu 1 póśěgujo, śěgniśo zapisk tabele 1 z Nawigatora a pušććo jrn w teksće. Aby to cynił, musyśo śěgnjeński modus Ako hyperwótkaz zasajźiś w Nawigatorje wubraś.