Z kupkami źěłaś
Móžośo někotare grafiske objekty do kupki kombiněrowaś, aby mógał je ako jadnotliwy objekt wužywaś.
Móžośo wšykne objekty w kupce gromaźe pśesunuś, pśetwóriś, jich wjelikosć změniś, pryšćiś abo konwertěrowaś, a móžośo kuždy cas do kupki stupiś, aby jadnotliwe objekty změnił.
Móžośo kakosći změniś (linijowa wjelikosć, połnjeńska barwa a wěcej) wšych objektow w kupce gromaźe změniś, a móžośo do kupki stupiś a jadnotliwe objekty změniś.
Kupki daju se teke zašachtelikaś, aby kupki w drugich kupkach twórili.
Objekty rědowaś
-
Wubjeŕśo objekty gromaźe, kótarež cośo zrědowaś. Źaržćo tastu Umsch (⇧) tłoconu, mjaztym až na jadnotliwe objekty klikaśo.
-
Klikniśo z pšaweju tastu na jaden z wubranych objektow, aby kontekstowy meni wócynił. W Calc abo Writer su pśikaze w pódmeniju Zrědowaś, mjaztym až su w Impress abo Draw direktnje górjejce w kontekstowem meniju.
-
Wubjeŕśo Kupka.
Aby objekty wubrał, móžośo teke wuběrański wobłuk wokoło objektow śěgnuś.
Móžośo na pśikład wšykne objekty w logu pśedewześa rědowaś, aby logo ako jadnotliwy objekt gibał a jogo wjelikosć změnił.
Pó rědowanju objektow se ceła kupka wuběra, gaž se źěl kupki wuběra.
Do kupki stupiś
-
Klikniśo z pšaweju tastu na objekt kupki. W Calc abo Writer su pśikaze w pódmeniju Zrědowaś, mjaztym až su w Impress abo Draw direktnje górjejce w kontekstowem meniju.
-
Wubjeŕśo Do kupki stupiś.
-
Něnto móžośo jadnotliwy objekt w kupce wubraś a wobźěłaś.
Móžośo objekty w toś tom modusu kupce pśidaś a z kupki wulašowaś.
Objekty, kótarež njejsu źěl kupki, se ze wóśamnjonymi barwami pokazuju.
Kupku spušćiś
-
Klikniśo z pšaweju tastu na objekt kupki. W Calc abo Writer su pśikaze w pódmeniju Zrědowaś, mjaztym až su w Impress abo Draw direktnje górjejce w kontekstowem meniju.
-
Wubjeŕśo Kupku spušćiś.
Aby kupku w Draw abo Impress spušćił, móžośo teke něźi zwenka kupki dwójcy kliknuś.
Zrědowanje wótpóraś
-
Klikniśo z pšaweju tastu na objekt kupki. W Calc abo Writer su pśikaze w pódmeniju Zrědowaś, mjaztym až su w Impress abo Draw direktnje górjejce w kontekstowem meniju.
-
Wubjeŕśo Zrědowanje wótpóraś.
Něnto móžośo wšykne objekty ako jadnotliwe objekty wubraś a wobźěłaś.