Fontwork za grafiske tekstowe wuměłstwo

Móžośo Fontwork wužywaś, aby objekty grafiskego tekstowego wuměłstwa napórał.

Objekt Fontwork napóraś

1. Jolic symbolowu rědku Kreslanka abo symbolowu rědku Fontwork njewiźiśo, wubjeŕśo Naglěd – Symbolowe rědki, aby symbolowu rědku zmóžnił.

2. Klikniśo w symbolowej rědce Kreslanka abo w symbolowej rědce Fontwork na symbol Galerija Fontwork.

   

   Galerija Fontwork

3. Wubjeŕśo w dialogu Galerija Fontwork pśedłogu Fontwork a klikniśo a W pórěźe.

   Objekt Fontwork se do wašogo dokumenta zasajźijo. Objekty Fontwork su swójske formy. Ze symboloweju rědku 3D-nastajenja móžośo kuždy cas naglěd wót 2D do 3D a slědk stajiś.

4. Klikniśo dwójcy na objekt, aby modus tekstowego wobźěłanja wócynił.

5. Wuměńśo standardny tekst Fontwork ze swójskim tekstom.

6. Tłocćo Esc, aby modus tekstowego wobźěłanja spušćił.

Objekt Fontwork wobźěłaś

1. Klikniśo na objekt Fontwork. Jolic objekt Fontwork se w slězynje zasajźujo, źaržćo tastu tłoconu, mjaztym až klikaśo.

   Symbolowa rědka Fontwork se pokažo. Jolic symbolowu rědku Fontwork njewiźiśo, wubjeŕśo Naglěd – Symbolowe rědki – Fontwork.

2. Klikniśo na symbol w symbolowej rědce Fontwork.

   Slědujuce symbole su k dispoziciji:

• Galerija Fontwork – pśidawa dalšny objekt Fontwork,

• Forma Fontwork – wobźěłujo formu,

• Pismiki Fontwork ze samskeju wusokosću – změnja wusokosć znamuškow,

• Wusměrjenje Fontwork – wusměrjujo tekst,

• Znamjenjowy wótkłon Fontwork – změnja znamjenjowy wótkłon a kerning.

Dalšne atributy Fontwork wobźěłaś

1. Klikniśo na objekt Fontwork. Jolic objekt Fontwork se w slězynje zasajźujo, źaržćo tastu tłoconu, mjaztym až klikaśo.

2. Wubjeŕśo kakosći ze symboloweje rědki Kakosći kresleńskego objekta. Móžośo linijowu tłustosć, linijowu barwu, połnjeński stil a wěcej změniś.