Symbolowe rědki wužywaś

Symbolowe rědki w LibreOffice daju se pak ako źěl głownego wokna abo znosujuce se ako separatne wokno pśidokowaś. Pó standarźe su widobne symbolowe rědki a take, kótarež z Naglěd – Symbolowe rědki wócynjaś, pśidokowane a jich pozicije su zastajone.

Někotare symbole symbolowych rědkow, na pśikład symbol Pismowa barwa mógu drugu symbolowu rědku wócyniś. Klikniśo na šypku pódla symbola, aby symbolowu rědku wócynił, kótarež dalšne symbole wopśimujo.

Maśo něnto wólbu: klikniśo pak na symbol, kótaryž cośo aktiwěrowaś pak pśimjejśo symbolowu rědku na jeje titelowej rědce a śěgniśo ju, mjaztym až tastu myški tłoconu źaržyśo.

Kontekst symbolowych rědkow

Někotare symbolowe rědk se wótwisujucy wót konteksta awtomatiski wócynjaju. Gaž na pśikład w tabeli w tekstowem dokumenśe klikaśo, se symbolowa rědka Tabela wócynja. Gaž w numerěrowanem wótstawku klikaśo, se symbolowa rědka Nalicenja a numerěrowanje wócynja.

Symbolowu rědku nachylu zacyniś

Klikniśo na symbol w titelowej rědce symboloweje rědki abo wubjeŕśo Symbolowu rědku zacyniś z kontekstowego menija. Symbolowa rědka se awtomatiski znowego pokažo, gaž kontekst jo znowego aktiwny.

Symbolowu rědku na pśecej zacyniś

Mjaztym až symbolowa rědka jo widobna, wubjeŕśo Naglěd – Symbolowe rědki a klikniśo na mě symboloweje rědki, aby kokulku wótwónoźeł.

Zacynjonu symbolowu rědku pokazaś

• Wubjeŕśo Naglěd – Symbolowe rědki a klikniśo na mě symboloweje rědki.

• Wubjeŕśo Naglěd – Symbolowe rědki – Slědk stajiś, aby symbolowe rědki na jich wót konteksta wótwisne zaźaržanje slědk stajił. Někotare se wótwisujucy wót konteksta awtomatiski pokazuju.

Pśidokowanu symbolowu rědku wótdokowaś

Klikniśo z pšaweju tastu na symbolowu rědku a wubjeŕśo Symbolowu rědku fiksěrowaś z kontekstowego menija, aby zapisk jo znjemóžnjony. Mały wertikalny pśimk se na zachopjeńku wótlichowaneje symboloweje rědki zjawijo, kótaryž móžośo wužywaś, aby symbolowu rědku pśesunuł.

Pśidokowanu symbolowu rědku fiksěrowaś

Móžośo poziciju symboloweje rědki fiksěrowaś, gaž Symbolowu rědku fiksěrowaś w kontekstowem meniju znowego wuběraśo, aby se zapisk zmóžnił.

Symbolowu rědku do znosujuceje se symboloweje rědki změniś

Klikniśo na pśimk symboloweje rědki a śěgniśo symbolowu rědku do dokumenta.

Znosujucu se symbolowu rědku zasej pśidokowaś

• Śěgniśo titelowu rědku symboloweje rědki na kšomu dokumentowego wokna.

• Aby znosujuce se wokno zasej pśidokował, śěgniśo a pušććo titelowu rědku wokna na kšomu dokumentowego wokna. Pokazowak myški měł wjelgin bliski pśi kšomje dokumentowego wokna byś, gaž tastu myški pušćijośo.

• Wótwisujucy wót nastajenjow woknowego zastojnika wašogo systema, móžośo teke na prozne městno w symbolowej rědce abo we woknje dwójcy kliknuś, mjaztym až tastu tłoconu źaržyśo. Abo klikniśo dwójcy na titelowu rědku znosujuceje se symboloweje rědki abo wokna.