Pomoc za LibreOffice 25.2
Pytanje za atributami w dialogu Pytaś a wuměniś za tekstowe dokumenty k dispoziciji stoj.
Móžośo tekst z atributami pytaś, kótarež se pak pśez direktne formatěrowanje pak pśez pśedłogi nałožuju. Jolic na pśikład za atributom Pismo pytaśo, se wšykne instance teksta namakaju, kótarež standardne pismo njewužywaju. Wšen tekst, kótaryž ma direktnje skoděrowany pismowy atribut ma, a wšen tekst, za kótaryž pśedłoga pismowy atribut změnja, se namakaju.
Jolic cośo tekst z pismom pó mjenju pytaś, klikniśo na tłocašk Format w dialogu Pytaś a wuměniś LibreOffice Writer.
Za tym až sćo wubrał atributy , za kótarymiž cośo pytaś, se pólo Wótstawkowe pśedłogi we wobceŕku Druge nastajenja… dialoga Pytaś a wuměniś LibreOffice Writer do Inkluziwnje pśedłogi změnijo.
Jolic cośo tekst pytaś, w kótaremž su se atributy póstajili pśez direktne formatěrowanje a pśedłogi, wubjeŕśo pólo Inkluziwnje pśedłogi.
Pytańske kriterije za atributy se pód pólom Pytaś nalicyju.
Wubjeŕśo Wobźěłaś – Pytaś a wuměniś….
Wuprozniśo tekstowe pólo Pytaś, jolic trjeba.
Klikniśo na Atributy.
Wubjeŕśo w dialogu Atributy kontrolny kašćik Pismo a klikniśo na W pórěźe.
W dialogu Pytaś a wuměniś móžośo něnto „Pismo“ pód tekstowym pólom Pytaś cytaś.
Klikniśo na Dalej pytaś.
Wšykne městna se namakaju, źož jo se pismowa změna nałožyła, pak direktnje pak pśez pśipokazowanje pśigódneje pśedłogi.
Aby pytanje za aktualnymi atributami zastajił, stajśo dialog Pytaś a wuměniś na normalny modus slědk.
Klikniśo na Žeden format.