Filtrowy nawigator wužywaś

Aby někotare filtrowe wuměnjenja z logiskim ABO zwězał, klikniśo na symbol Filtrowa nawigacija na symbolowej rědce Filter. Wokno Filtrowy nawigator se zjawijo.

Nastajone filtrowe wuměnjenja se w filtrowem nawigatorje zjawiju. Gaž filter jo nastajony, wiźiśo prozny filtrowy zapisk dołojce w filtrowem nawigatorje. Móžośo toś ten zapisk wubraś, gaž na słowo „Abo“ klikaśo. Gaž sćo wubrał prozny filtrowy zapisk, móžośo pśidatne filtrowe wuměnjenja do formulara zapódaś. Toś te wuměnjenja se pśez logiske ABO z do togo definěrowanymi wuměnjenjami zwězuju.

Kontekstowy meni dajo se za kuždy zapiski w filtrowem nawigatorje wuwołaś. Móžośo filtrowe wuměnjenja w toś tom wobceŕku direktnje ako tekst wobźěłaś. Jolic cośo kontrolěrowaś, lěc pólo ma wopśimjeśe abo nic, móžośo filtrowe wuměnjenja „jo prozny“ (SQL: "Is Null") abo „nic prozny“ (SQL: "Is not Null") wubraś. Jo teke móžno, z pomocu kontekstowego menija zapisk wulašowaś.

Móžośo filtrowe wuměnjenja w filtrowem nawigatorje pśez śěgnjenje a pušćenje pśesunuś abo wužywaśo tasty +Alt+šypka górjej (↑) abo +Alt+šypka dołoj (↓). Aby filtrowe wuměnjenja kopěrował, śěgniśo je, mjaztym až tastu tłoconu źaržyśo.

Gaž swój formular nacerjujośo, móžośo kakosć „Filtrowe naraźenje“ za kužde tekstowe pólo w rejtariku Daty wótpowědnego dialoga Kakosći nastajiś. W na se slědujucych pytanjach we filtrowem modusu móžośo ze wšych informacijow wubraś, kótarež su w toś tych pólach wopśimjete. Pólne wopśimjeśe dajo se pón z pomocu funkcije Awtomatiski wupołniś wubraś. Źiwajśo pak na to, až se toś ta funkcija wěcej składa a casa pomina, pśedewšym, gaž se we wjelikich datowych bankach wužywa a měła se togodla rědko wužywaś.

Tabele a formularowe dokumenty pśepytaś