Z naglěda datowego žrědła śěgnuś a pušćiś
Malsna móžnosć z datowego žrědła do tekstowego abo tabelowego dokumenta kopěrowaś abo formulary na zakłaźe datowego žrědła załožyś, jo śěgnjenje a pušćenje.
Ze śěgnjenim a pušćenim kopěrowaś
Jolic cośo śěgnjenje a pušćenje anulěrowaś, stajśo kursor do swójogo dokumenta a wubjeŕśo Wobźěłaś – Anulěrowaś.
Jo teke móžno, pśez śěgnjenje a pušćenje z dokumenta do datowego žrědła kopěrowaś:
Tekstowa tabela abo wubrany wobceŕk tabelowego dokumenta dajo se pśez śěgnjenje a pušćenje do tabelowego kontejnera w eksplorerje datowych žrědłow śěgnuś.
Lutny tekst dajo se pśez śěgnjenje a pušćenje z jadnogo dokumenta do datowego póla w naglěźe datowego žrědła kopěrowaś.
Daty w tekstowem dokumenśe wužywaś
Móžośo pólo datoweje banki do tekstowego dokumenta zasajźiś, gaž pólne mě ze słupoweje głowy datowego žrědła do dokumenta śěgaśo. To jo wósebnje wužytne, gaž serijowe listy nacerjujośo. Śěgniśo jadnorje póžedane póla – bydleńska adresa, gronjenje a tak dalej – do swójogo dokumenta.
Aby dopołnu datowu sajźbu zasajźił, wubjeŕśo wótpowědnu głowu a śěgniśo ju do dokumenta. Gaž tastu myški pušćijośo, se dialog Słupy datoweje banki zasajźiś zjawijo, w kótaremž móžośo rozsuźiś, lěc se maju wšykne póla datoweje banki wužywaś a lěc se maju daty do dokumenta ako tekst, tabela abo druge póla kopěrowaś. Wšykne tuchylu wubrane datowe sajźby se zasajźiju.
Daty na tabelowy dokument nałožyś
Móžośo jadnu datowu sajźbu abo někotare datowe sajźby do aktualneje tabele tabelowego dokumenta zasajźiś, gaž smužki datowego žrědła wuběraś a je do tabelowego dokumenta śěgaśo a pušćijośo. Daty se na tom městnje zasajźuju, źož tastu myški pušćijośo.
Wóźeńske elementy do tekstowego formulara zasajźiś
Gaž tekstowy formular załožujośo, kótaryž jo z datoweju banku zwězany, móžośo pśez śěgnjenje a pušćenje wóźeńske elementy z naglěda datowego žrědła generěrowaś.
Gaž słup datoweje banki do tekstowego dokumenta śěgaśo, zasajźujośo pólo. Jolic tastu Umsch (⇧)+ tłoconu źaržyśo, mjaztym až śěgaśo, se tekstowe pólo zasaźijo, zrědowane z wótpowědnym pólom pópisanja. Tekstowe pólo južo wšykne informacije datoweje banki wopśimujo, kótarež za formular trjebaśo.