Dokumenty wócyniś

Eksistěrujucy dokument wócyniś

Pśewjeźćo jaden ze slědujucych kšacow:

• Wubjeŕśo Dataja – Wócyniś…

• Wubjeŕśo Dataja – Ze serwera wócyniś…

• Wuwjeźćo dłujke kliknjenje na symbol Wócyniś w symbolowej rědce Standard a wubjeŕśo Dataju ze serwera wócyniś dołojce w lisćinje.

Wubjeŕśo dataju, kótaruž cośo wócyniś a klikniśo na Wócyniś.

Dataje na pokazanje wobgranicowaś

Aby pokazanje datajow w dialogu Wócyniś na wěsty typ wobgranicował, wubjeŕśo wótpowědny datajowy typ z lisćiny. Wubjeŕśo Wšykne dataje, aby wšykne dataje pokazał.

Pozicija kursora

Zwětšego jo kursor we wšych wócynjonych dokumentach na zachopjeńku dokumenta.

Jadno wuwześe jo, gaž awtor tekstowego dokumenta Writer dokument składujo a znowego wócynja. Kursor buźo na samskej poziciji, źož jo był, gaž dokument jo se składował. To jano funkcioněrujo, gaž mě awtora jo se zapódało w – LibreOffice – Wužywaŕske daty.

Tłocćo Umsch (⇧)+F5, aby kursor na slědnej skłaźonej poziciji stajił.

Prozny dokument wócyniś

Kliniśo na symbol Nowy na rědce Standard abo wubjeŕśo Dataja – Nowy. To dokument z pódanym dokumentowym typom wócynijo.

Jolic na šypku pódla symbola Nowy klikaśo, se pódmeni wócynijo, w kótaremž móžośo drugi dokumentowy typ wubraś.