Dokumenty awtomatiski składowaś
Slědujucej dwě nastajeni se pó standarźe pśi nowych instalacijach zmóžnjatej.
Aby dokument składował, kuždy raz zawěsćeńsku dataju napóraś
-
Wubjeŕśo – Zacytaś/Składowaś – Powšykne.
-
Markěrujśo Pśecej zawěsćeńsku kopiju załožyś.
Jolic nastajenje Pśecej zawěsćeńsku kopiju załožyś jo wubrane, se stara wersija dataje do zawěsćeńskego zapisa składujo, gažkuli aktualnu wersiju dataje składujośo.
-
Wubjeŕśo – LibreOffice – Sćažki, aby zawěsćeński zapis změnił a změńśo pón w słupje Typ za Zawěsćenja sćažku.
-
Zawěsćeńska kopija ma samske mě ako dokument, ale datajowa kóńcowka jo .BAK. Jolic zawěsćeński zarědnik južo taku dataju wopśimujo, se toś ta bźez warnowanja pśepišo.
Wótnowjeńske informacije awtomatiski składowaś
-
Wubjeŕśo – Zacytaś/Składowaś – Powšykne.
-
Markěrujśo Informacije awtomatiskego wótnowjenja składowaś kužde a wubjeŕśo casowy interwal.
Toś ten pśikaz informacije składujo, kótarež su trjebne, aby aktualny dokument w paźe wowalenja wótnowili. Mimo togo LibreOffice w paźe wowalenja awtomatiski wopytujo, informacije wó awtomatiskem wótnowjenju za wšykne wócynjone dokument składowaś, jolic móžno.