Digitalne signatury nałožyś
Certifikat wobstaraś
Móžośo se certifikat wót certificěrowańskego městna wobstaraś. Wšojadno, lěc statna instanca abo priwatne pśedewześe wuběraśo, jo nałog, za toś tu słužbu płaśiś, na pśikład, gaž se waša identita certificěrujo. Mało drugich awtoritow certifikaty zadermo wudawaju, na pśikład projekt wótwórjonego žrědła CAcert, kótaryž na znatem a spušćobnem modelu Web of Trust bazěrujo a wětšu popularnosć nabywa.
Waše certifikaty zastojaś
Jolic Linux, macOS abo Solaris wužywaśo, musyśo nejnowšu wersiju Thunderbird abo Firefox instalěrowaś. LibreOffice ma pón pśistup k jeju składoju certifikatow.
Jolic sćo załožył rozdźělne profile w Thunderbird abo Firefox a cośo certifikaty z wěstego wužywaŕskego profila wužywaś, wubjeŕśo profil w . Abo móžośo wokolinowu wariablu MOZILLA_CERTIFICATE_FOLDER stajiś, aby na zarědnik wótkazał, kótaryž profil wopśimujo.
-
Wócyńśo nastajenja swójogo wobglědowaka, wubjeŕśo wótrězk Priwatnosć a wěstota, klikniśo na rejtarik Certifikaty a wubjeŕśo pón Certifikaty pokazaś…. Dialog Zastojnik certifikatow se zjawijo.
-
Importěrujśo swój nowy kórjenjowy certifikat, wubjeŕśo pón certifikat a wobźěłajśo jen. Zmóžniśo, až se kórjenjowemu certifikatoju nanejmjenjej za web a e-mail dowěrja. To zawěsćujo, až certifikat móžo waše dokumenty signěrowaś. Mjazycertifikaty móžośo na samsku wašnju wobźěłaś, ale to njejo zawězujuce za signěrowanje dokumentow.
-
Gaž sće nowe certifikaty wobźěłał, startujśo LibreOffice znowego.
Dokument signěrowaś
-
Wubjeŕśo Dataja – Digitalne signatury – Digitalne signatury….
-
Pólo zdźělenja wam raźi, dokument składowaś. Klikniśo na Jo, aby dataju składował.
-
Pó składowanju wiźiśo dialog Digitalne signatury. Klikniśo na Pśidaś, aby dokumentoju zjawny kluc pśidał.
-
Wubjeŕśo w dialogu Certifikat wubraś swój certifikat a klikniśo na W pórěźe.
-
Wiźiśo dialog Digitalne signatury znowego, źož móžośo dalšne certifikaty pśidaś, jolic cośo. Klikniśo na W pórěźe, aby skłaźonej dataji zjawny kluc pśidał.
Signěrowany dokument symbol 
w statusowej rědce pokazujo. Móžośo dwójcy na symbol w statusowej rědce kliknuś, aby certifikat pokazał.
Wuslědk pśeglědowanja signatury se w statusowej rědce a w dialogu Digitalna signatura pokažo. Někotare dokumenty a makrowe signatury mógu w dokumenśe ODF wopśimjone byś. Jolic dajo problem z jadneju signaturu, pón se z togo wuchada, až wuslědk pśeglědanja toś teje jadneje signatury za wšykne signatury płaśi. To groni, jolic dajo źaseś płaśiwych signaturow a jadnu njepłaśiwu signaturu, pón statusowa rědka a statusowe pólo w dialogu signaturu ako njepłaśiwu wóznamjenjujotej.
Makra w dokumenśe signěrowaś
W normalnem paźe makra źěl dokumenta su. Jolic dokument signěrujośo, se makra w dokumenśe awtomatiski signěruju. Jolic cośo jano makra signěrowaś, ale dokument nic, póstupujśo tak:
-
Wubjeŕśo Rědy – Makra – Digitalna signatura….
-
Nałožćo signaturu ako górjejce za dokumenty wopisane.
Gaž Basic IDE wócynjaśo, až signěrowane makra wopśimujo, wiźiśo symbol w statusowej rědce.
Móžośo na symbol w statusowej rědce dwójcy kliknuś, aby certifikat pokazał.