Wuwijańske rědy

Inspicěrujo objekty w dokumentach LibreOffice a pokazujo pódprěte słužby UNO ako teke k dispoziciji stojece metody, kakosći a implementěrowane zwězowańske městna.

Toś ta funkcija teke zmóžnja, strukturu dokumenta z pomocu DOM (Document Object Model) wuslěźiś.

Pśistup k toś tomu pśikazoju …

Z menijoweje rědki:

Wubjeŕśo Rědy – Wuwijańske rědy

Z pówjercha z rejtarikami:

Wubjeŕśo Wuwijańske rědy w meniju Rědy rejtarika Rědy.

Ze symbolowych rědkow:

Wuwijańske rědy

Wuwijańske rědy su we wšych dokumentach LibreOffice Writer, Calc, Impress a Draw widobne. Pokazanje jo trajne a wóstawaju widobne, daniž se njewótwóluju.

Gaž wuwijańske rědy su zmóžnjone, se pśidokujobne wokno dołojce na kšomje wobrazowki pokazujo. Toś to wokno ma dwa wótrězka:

Bomowy naglěd DOM (Document Object Model): Pokazujo dokumentowe źěle pó DOM. Wužywajśo toś ten wótrězk, aby objekt wubrał, kótaryž se ma inspicěrowaś.
Wobceŕk objektoweje inspekcije: Pokazujo k dispoziciji stojece słužby, metody, kakosći a zwězowańske městna wubranego objekta.

Toś ta funkcija jo wót LibreOffice 7.2 za Writer, Calc, Impress a Draw k dispoziciji.

Bomowy naglěd DOM

Lěwy bok wokna tłocašk Aktualny wuběrk, tłocašk Aktualizěrowaś a bomowy naglěd wopśimujo, kótaryž wšykne objekty w dokumenśe pokazujo.

Zaźaržanje bomowego naglěda wót statusa tłocaška Aktualny wuběrk wótwisujo:

Klikniśo na Aktualny wuběrk, aby kakosći tuchylu wubrany objekt w dokumenśe pokazał. Togodla se kliknjenje na zapisk w bomowem naglěźe njewustatkujo.
Klikniśo znowego na Aktualny wuběrk, aby někaki zapisk w bomowem naglěźe pokazał a wopśimjeśe wobceŕka objektoweje inspekcije aktualizěrował.

Objektowe typy, kótarež se pśez bomowy naglěd DOM wót nałoženja LibreOffice wótwisuju, kótarež se wužywa:

Nałoženje LibreOffice	Pódprěte objekty
Writer	Wótstawki Tekstowe źěle we wótstawku Formy Tabele Wobłuki Grafiske objekty Zasajźone objekty (OLE) Swójźby pśedłogow a pśedłogi
Calc	Tabele Formy na tabelu Diagramy na tabelu Tabele Pivot na tabelu Swójźby pśedłogow a pśedłogi
Impress	Folije Formy na foliju Głowne folije Swójźby pśedłogow a pśedłogi
Draw	Strony Formy na bok Swójźby pśedłogow a pśedłogi

Wobceŕk objektoweje inspekcije

Napšawo jo wokno wobceŕk objektoweje inspekcije, kótarež informacije wó objekśe pokazujo, kótaryž se inspicěrujo.

Mě klase: jo mě objektoweje klase.

Wužywajśo klasowe mě, aby dalšne informacije w dokumentaciji API pytał. Nejwušy objekt w dokumenśe na pśikład jo instanca klase SwXTextDocument, kótaryž se w SwXTextDocument Class Reference (engelski) dokumentěrujo.

Móžośo objekt dalej inspicěrowaś, gaž styri rejtariki wužywaśo, kótarež jogo zwězowańske městna, Słužby, Kakosći a Metody pokazuju.

Informacije wó objekśe se w kuždem rejtariku w słupach organizěruju. Sajźba pokazanych słupow wót wubranego rejtarika wótwisujo.

Rejtarik Zwězowańske městna

Wopśimujo jadnotliwy słup, kótaryž lisćinu zwězowańskich městnow pokazujo, kótarež su pśez objekt implementěrowane.

Rejtarik Słužby

Wopśimujo jadnotliwy słup, kótaryž lisćinu słužbow pokazujo, kótarež objekt pódpěra.

Rejtarik Kakosći

Wopśimujo styri słupy, kótarež kakosći objekta wopisuju:

Kakosć: Pokazujo mjenja objektowych kakosćow.
Gódnota: Pokazujo tekstowu reprezentaciju aktualneje gódnoty kakosći.
Typ: Pokazujo typ kakosći.
Informacije: Pokazujo relewantne informacije wó kakosći. Pśeśiwo pisanjeju šćitana kakosć na pśikład w toś tom słupje „pśeśiwo pisanjeju šćitany“ pokazujo.

Rejtarik Kakosći dołojce teke tekstowe pólo wopśimujo, aby dopołnu tekstowu reprezentaciju gódnoty kakosći pokazał.

Rejtarik Metody

Wopśimujo styri słupy, kótarež skombiněrowanu lisćinu metodow wopisuju, kótarež daju se pśez aktualny objekt wołaś:

Metoda: Pokazujo mjenja wšych metodow objekta.
Wrośeński typ: Pokazujo wrośeński typ objektowych metodow. Metody, kótarež gódnotu njewrośaju, se w toś tom słupje ako „void“ wóznamjenjuju.
Parametry: Pokazujo lisćinu parametrow, kótarež se metoda a jich date typy pominaju.
Implementěrowańska klasa: Pokazujo mě klasy, źož metoda jo implementěrowana.

UNO Objects, Functions and Services