Z tabelami źěłaś

Daty se w tabelach składuju. Waš systemowy adresnik na pśikład, kótaryž za swóje e-mailowe adrese wužywaśo, jo tabela datoweje banki adresnika. Kužda adresa jo datowa sajźba, kótaraž se ako smužka w tej tabeli pokazujo. Datowe sajźby se z datowych pólow zestajaju, na pśikład póli za pśedmě a familijowe mě a pólo e-mailoweje adrese.

Nowu tabelu z tabelowym asistentom załožyś

W LibreOffice móžośo nowu tabelu z pomocu tabelowego asistenta załožyś:

1. Wócyńśo dataju datoweje banki, w kótarejž cośo nowu tabelu załožyś.

2. Klikniśo w lěwem wobceŕku wokna datoweje banki na symbol Tabele.

3. Klikniśo na Asistent za załoženje tabele wužywaś….

Nowu tabelu z nacerjeńskim naglědom załožyś

1. Wócyńśo dataju datoweje banki, w kótarejž cośo nowu tabelu załožyś.

2. Klikniśo w lěwem wobceŕku wokna datoweje banki na symbol Tabele.

3. Klikniśo na Tabelu w nacerjeńskem naglěźe załožyś.

Wiźiśo wokno Tabelowe nacerjenje.

Nowy tabelowy naglěd napóraś

Někotare typy datoweje banki tabelowe naglědy pódpěraju. Tabelowy naglěd jo wótpšašowanje, kótarež se z datoweju banku składujo. Za nejwěcej operacijow datoweje banki dajo se naglěd wužywaś, ako by wy tabelu wužywał.

1. Wócyńśo dataju datoweje banki, źož cośo nowy tabelowy naglěd napóraś.

2. Klikniśo w lěwem wobceŕku wokna datoweje banki na symbol Tabele.

3. Klikniśo na Tabelowy naglěd napóraś.

Wóźiśo wokno Naglědowe nacerjenje, kótarež jo skóro samske ako wokno wótpšašowańske nacerjenje.