Tabelowe nacerjenje
Toś ten wótrězk informacije wó tom wopśimujo, kak móžośo nowu tabelu datoweje banki w nacerjeńskem naglěźe napóraś.
Wócyńśo dataju datoweje banki, źož cośo nowu tabelu napóraś. Klikniśo na symbol Tabele. Wubjeŕśo Tabelu w nacerjeńskem naglěźe napóraś, aby nowu tabelu napórał.
W nacerjeńskem naglěźe móžośo něnto póla za swóju tabelu napóraś.
-
Zapódajśo nowe póla pó smužkach wót górjejka dołoj. Klikniśo na celu Pólne mě a zapódajśo pólne mě za kužde datowe pólo.
-
Definěrujśo datowe pólo ako „primarny kluc“. Base primarny kluc trjeba, aby mógł wopśimjeśe tabele wobźěłaś. Primarny kluc ma jadnorazowe wopśimjeśe za kuždu datowu sajźbu. Zasajźćo na pśikład numeriske pólo, klikniśo z pšaweju tastu na prědny słup a wubjeŕśo Primarny kluc z kontekstowego menija. Stajśo Awtomatiske gódnota na „Jo“, aby Base awtomatiski gódnotu za kuždu nowu datowu sajźbu kšac pó kšacu pówušył.
-
W cele napšawo pódla, definěrujśo Pólny typ. Gaž do cele klikaśo, móžośo pólny typ w kombinaciskem pólu wubraś.
Kužde pólo móžo jano daty akceptěrowaś, kótarež pódanemu pólnemu typoju wótpowěduju. Njejo na pśikład móžno, tekst do licbowego póla zapódaś. Memopóla w formaśe dBASE III su reference na internje zastojane tekstowe dataje, kótarež mógu až do 64 KB teksta wobśimjeś.
Na žycenje móžośo za kužde pólo wopisanje zapódaś. Tekst wopisanja se ako pokazka w nadpismach słupow w tabelowem naglěźe zjawijo.
Pólne kakosći
Zapódajśo kakosći za kužde wubrane datowe pólo. Wótwisujucy wót typa datoweje banki njejsu snaź někotare zapódawańske móžnosći k dispoziciji.
Zapódajśo w pólu Standardna gódnota standardne wopśimjeśe za kuždu nowu datowu sajźbu. Toś to wopśimjeśe dajo se pózdźej wobźěłaś.
W pólu Zapódaśe trjebne pódawaśo, lěc pólo smějo prozne wóstaś abo nic.
Za pólo Dłujkosć se wam snaź kombinaciske pólo pokazujo, kótarež wam k dispoziciji stojece wuběrańske móžnosći bitujo.