Pomoc za LibreOffice 25.2
Rozpšawa jo tekstowy dokument Writer, kótaryž móžo waše daty w zrědowanem pórěźe a formatěrowanju pokazaś. W LibreOffice Base maśo wólbu, rozpšawu pak manuelnje pśez śěgnjenje a pušćenje do wokna designera rozpšawow pak poławtomatiski pśez slěd dialogow w rozpšawniskem asistenśe załožyś.
Slědujuca lisćina wam informacije dajo, kótarež wam pomagaju rozsuźiś, kótara metoda ma se za waše daty wužywaś:
|
Designer rozpšawow |
Rozpšawniski asistent |
|---|---|
|
Startujo se pśez pśikaz „Rozpšawu w nacerjeńskem naglěźe załožyś...“. |
Startujo se pśez pśikaz „Asistent za załoženje rozpšawy wužywaś...“. |
|
Połna fleksibelnosć, aby głowowe a nogowe smužki rozpšawy, głowowe a nogowe smužki boka a wěcejsłupikojte rozpšawy wužywał. |
Wužywa dokumentowu pśedłogu Writer, aby rozpšawniski dokument generěrował. |
|
Wužywajśo śěgnjenje a pušćenje, aby póla datowych sajźbow abo druge designowe elementy kaž wobraze abo linije pozicioněrował. |
Wubjeŕśo z někotarych danych móžnosćow, aby datowe sajźby rědował. |
|
Generěrujo jadnorazowe foto wobrazowki datow. Aby zaktualizěrowanu rozpšawu wiźeł, wuwjeźćo samsku rozpšawu, aby dokument Writer ze zaktualizěrowanymi datami napórał. |
Móžośo pak jadnorazowe foto wobrazowki z njepśeměnjatymi datami generěrowaś pak „dynamisku“ rozpšawu ze zwězanjami z aktualnymi datami, gaž dataju Base wócynjaśo. |
|
Składujo rozpšawu ako tekstowy dokument Writer. Składujo informacije, kak se ma rozpšawa w dataji Base załožyś. |
Składujo rozpšawu a informacije, kak se ma rozpšawa w dataji Base załožyś. |
|
Wubjeŕśo Wócyniś w kontekstowem meniju abo klikniśo dwójcy na mě rozpšawy, aby nowu rozpšawu z aktualnymi datami załožył. |
Wubjeŕśo Wócyniś w kontekstowem meniju abo klikniśo dwójcy na mě rozpšawy, aby pak statiske foto wobrazowki datow wót casa napóranja znowego wiźeł pak nowu rozpšawu z aktualnymi datami załožył. To wót wašeje wólby na slědnem boku asistenta wótwisujo. |
|
Wubjeŕśo Wobźěłaś w kontekstowem meniju rozpšawniskego mjenja, aby wokna designera rozpšawow ze zacytanymi informacijami wócynił. |
Wubjeŕśo Wobźěłaś w kontekstowem meniju rozpšawniskego mjenja, aby dataju pśedłogi Writer wobźěłał, kótaraž jo se wužywała, aby rozpšawu załožyła. |
Wócyńśo dataju datoweje banki, źož cośo nowu rozpšawu załožyś.
Klikniśo w lěwem wobceŕku datoweje banki na symbol Rozpšawy.
Klikniśo na Rozpšawu w nacerjeńskem naglěźe załožyś.
Slědujśo instrukcijam w rozpokazanju designera rozpšawow.
Wócyńśo dataju datoweje banki, źož cośo nowu rozpšawu załožyś.
Klikniśo w lěwem wobceŕku datoweje banki na symbol Rozpšawy.
Kliknśo na Asistent za załoženje rozpšawy wužywaś.
Slědujśo kšacam rozpšawniskego asistenta, aby rozpšawu załožył.