Rozpšawy datoweje banki wužywaś a wobděłaś
Rozpšawu wužywaś
LibreOffice informacije wó załožonych rozpšawach w dataji datoweje banki składujo.
-
Wubjeŕśo Dataja – Wócyniś… a pón dataju datoweje banki.
-
Klikniśo we woknje dataje datoweje banki na symbol Rozpšawy.
-
Klikniśo dwójcy na jadno z rozpšawniskich mjenjow, aby rozpšawu wócynił.
Toś te zwězanja se awtomatiski pśidawaju, gaž z rozpšawniskim asistentom abo we woknje designera rozpšawow nowu rozpšawu załožujośo.
Rozpšawu wobźěłaś, kótaraž jo se załožyła we woknje designera rozprawow
-
Klikniśo z pšaweju tastu na mě rozpšawy we woknje dataje datoweje banki a wubjeŕśo pón Wobźěłaś.
Wokno designera rozpšawow se ze informacijami rozpšawy wócynijo.
Wužywajśo symbolowe rědki a menijowe pśikaze a śěgnjenje a pušćenje, aby rozpšawu wobźěłał, kaž to jo w rozpokazanju Designer rozpšawow wopisane.
Wuwjeźćo rozpšawu, aby wuchadajucy rozpšawniski dokument wiźeł.
Rozpšawu wobźěłaś, kótaraž jo se załožyła z rozpšawniskim asistentom
-
Na slědnem boku dialog rozpšawniskego asistenta móžośo rozsuźiś, lěc cośo rozpšawnisku pśedłogu wobźěłaś, nježli až rozpšawu wužywaśo.
Móžośo pśedłogi boka za prědny bok a slědujuce boki rozpšawy ako teke wótstawkowe pśedłogi, licbowe formaty, wuśišćane pólne pópisanja a wěcej wobźěłaś.
Jolic dokradne rozměśe datoweje banki njamaśo, na kótaruž se rozpšawa zepěra, njewobźěłujśo instrukciju SQL, mě datoweje banki, schowane formularowe wóźeńske elementy abo pśisłušne informacije wó rozpšawje.