Daty w Base importěrowaś a eksportěrowaś
Lažka metoda za importěrowanje a eksportěrowanje tabelow datoweje banki Calc ako „pomocne nałoženje“ wužywa.
Daty z Base eksportěrowaś
Kopěrujośo tabelu z Base do noweje tabele Calc, pón móžośo daty do někakegožkuli datajowego format składowaś abo eksportěrowaś, kótaryž Calc pódpěra.
-
Wócyńśo dataju datoweje banki, kótaruž tabelu datoweje banki wopśimujo, kótaraž se ma eksportěrowaś. Klikniśo na Tabele, aby tabele pokazał abo klikniśo na Wótpšašowanja, aby wótpšašowanja pokazał.
-
Wubjeŕśo Dataja – Nowy – Tabelowy dokument.
-
Klikniśo we woknje Base z pšaweju tastu na mě tabele, kótaraž se ma eksportěrowaś. Wubjeŕśo Kopěrowaś z kontekstowego menija.
-
Klikniśo na celu A1 w nowem woknje Calc a wubjeŕśo pón na Wobźěłaś – Zasajźiś.
Něnto móžośo daty do wjele datajowych typow składowaś abo eksportěrowaś.
Daty do Base importěrowaś
Móžośo tekstowe dataje importěrowaś, dataje tabelowych dokumentow a waš systemowy adresnik jano w pśeśiwo pisanjeju šćitanem modusu importěrowaś.
Gaž z tekstoweje dataje abo dataje tabelowego dokumenta importěrujośo, musy dataja w prědnej smužce głowowe informacije wopśimowaś. Druga smužka dataje jo prědna płaśiwa datowa smužka. Format kuždego póla w drugej smužce format za ceły słup póstaja. Formatowe informacije z dataje tabelowego dokumenta se zgubiju, gaž se do Base importěruju.
Aby na pśikład zawěsćił, až prědny słup ma tekstowy format, musyśo zawěsćiś, až prědne pólo prědneje płaśiweje datoweje smužki tekst wopśimujo. Jolic pólo w prědnej płaśiwej datowej smužce licbu wopśimujo, se ceły słup do licbowego formata stajijo, a jano licby, žeden tekst, se w toś tom słupje pokažu.
-
Wócyńśo dataju Base typa datoweje banki, kótaryž cośo.
Napórajśo pak nowu dataju Base z pomocu asistenta datoweje banki pak wócyńśo eksistěrujucu dataju Base, kótaraž njejo šćitana pśeśiwo pisanjeju.
-
Wócyńśo dataju Calc, kótaraž daty wopśimujo, kótarež se maju do Base importěrowaś. Móžośo dataju dBASE *.dbf abo wjele drugich datajowych typow.
-
Wubjeŕśo daty, kótarež se maju do Base kopěrowaś.
Móžośo wobceŕkowu referencu ako A1:X500 do mjenjowego póla zapódaś, jolic njocośo kulnuś.
Jolic tabelu dBASE kopěrujośo, zapśimjejśo nejwušu smužku, kótaraž głowowe daty wopśimujo.
-
Wubjeŕśo Wobźěłaś – Kopěrowaś.
-
Klikniśo we woknje Base na Tabele, aby tabele pokazał.
-
Wubjeŕśo we woknje Base Wobźěłaś – Zasajźiś.
-
Wiźiśo dialog Tabelu kopěrowaś. Nejwěcej datowych bankow primarny kluc trjeba, togodla wy dejał kontrolny kašćik Primarny kluc napóraś zmóžniś.
Na systemach Windows móžośo teke móžnosć śěgnjenje a pušćenje město móžnosći kopěrowanje a zasajźenje wužywaś. Za zregistrěrowane datowe banki móžośo wobglědowak datowych žrědłow (tłocćo + Umsch (⇧) + F4) wócyniś město aby wokno Base wócynił.