Z formularami źěłaś
Z pomocu formularow móžośo definěrowaś, kak se daty prezentěruju. Wócyńśo tekstowy dokument abo tabelowy dokument a zasajźćo wóźeńske elementy ako tłocaški a lisćinowe póla. W dialogach kakosćow wóźeńskich elementow móžośo definěrowaś, kótare daty se maju formulary pokazaś.
Nowy formular z formularowym asistentom załožyś
W LibreOffice móžośo nowy formular z pomocu formularowego asistenta załožyś.
-
Wócyńśo dataju datoweje banki, źož cośo nowy formular załožyś.
-
Klikniśo w lěwem wobceŕku wokna datoweje banki na symbol Formulary.
-
Klikniśo na Asistent za napóranje formulara wužywaś....
Nowy formular manuelnje załožyś
-
Wócyńśo dataju datoweje banki, źož cośo nowy formular załožyś.
-
Klikniśo w lěwem wobceŕku wokna datoweje banki na symbol Formulary.
-
Klikniśo na Formular w nacerjeńskem modusu załožyś.
Nowy tekstowy dokument se wócynijo. Wužywajśo formularowe wóźeńske elementy, aby wóźeńske elementy zasajźił.
Klikniśo na symbol Formulary, aby pśistup ku wšym formularam měł, kótarež su se załožyli w aktualnem woknje datoweje banki. Móžośo mimo togo symbole formularowych wóźeńskich elementow wužywaś, aby dokumentoju Writer abo Calc formularowe wóźeńske elementy datoweje banki pśidał, ale toś te dokumenty se we woknje datoweje banki njenalicyju.