Daty w tekstowem formaśe importěrowaś a eksportěrowaś

Jolic cośo daty z datoweju banku wuměniś, kótaraž zwězanje ODBC njama a import a eksport dBASE njedowólujo, móžośo zgromadny tekstowy format wužywaś.

Daty do LibreOffice importěrowaś

Aby daty w tekstowem formaśe wuměnił, wužywajśo importowy/eksportowy filter LibreOffice Calc.

1. Eksportěrujśo póžedane daty ze žrědłoweje datoweje banki w tekstowem formaśe. Tekstowy format CSV se pórucujo. Toś ten format datowe póla z pomocu źěleńskich znamuškow ako komy abo semikolony źěli, a datowe sajźby se pśez smužkowe łamanja źěle.

2. Wubjeŕśo Dataja – Wócyniś a klikniśo na dataju, kótaraž se ma importěrowaś.

3. Wubjeŕśo „Tekst CSV“ z kombinaciskego póla Datajowy typ. Klikniśo na Wócyniś.

4. Dialog Tekstowy import se zjawijo. Rozsuźćo, kótare daty maju se z tekstowego dokumenta pśewześ.

Gaž daty su w tabelowem dokumenśe LibreOffice Calc, móžośo je wobźěłaś. Składujśo daty ako datowe žrědło LibreOffice:

• Składujśo aktualny tabelowy dokument LibreOffice Calc w formaśe dBASE w zarědniku datoweje banki dBASE. Aby to cynił, wubjeŕśo Dataja – Składowaś ako…, wubjeŕśo pón datajowy typ "dBASE" a zarědnik datoweje banki dBASE.

Do tekstowego formata CSV eksportěrowaś

Móžośo aktualny tabelowy dokument LibreOffice w tekstowem formaśe eksportěrowaś, kótaryž dajo se pśez wjele drugich nałoženjow cytaś.

1. Wubjeŕśo Dataja – Składowaś ako….

2. Wubjeŕśo w Datajowy typ filter "Tekst CSV". Zapódajśo datajowe mě a klikniśo na Speichern (tłocašk nimskego źěłowego systema).

3. To dialog Tekstowe dataje eksportěrowaś wócynja, w kótaremž móžośo znamjenjowu sajźbu, pólne źěleńske znamuško a tekstowe źěleńske znamuško wubraś. Klikniśo na W pórěźe. Warnowanje was informěrujo, až se jano aktiwna tabela składujo.