Adresnik registrěrowaś
W LibreOffice móžośo rozdźělne datowe žrědła registrěrowaś. Wopśimjeśe datowych pólow jo pón wam za wužywanje we wšakich pólach a wóźeńskich elementach k dispoziciji. Waš systemowy adresnik jo take datowe žrědło.
Pśedłogi a asistenty LibreOffice póla za wopśimjeśe adresnika wužywaju. Gaž zmóžnjone, se powšykne póla w pśedłogach awtomatiski z pólami z datowego žrědła wašogo adresnika wuměnjaju.
Aby wuměnjenje funkcioněrowało, musyśo LibreOffice k wěsći daś, kótary adresnik wužywaśo. Asistent, kótaryž se za toś teju informaciju pšaša, se awtomatiski zjawijo, gaž na pśikład pśedłogu wobchodnego lista aktiwěrujośo. Móžośo teke asistent pśiwołaś, gaž slědujuce kšace pśewjeźośo:
Daty adresnika daju se w LibreOffice Base jano cytaś. Njejo móžno, adresowe daty z Base pśidaś, wobźěłaś abo lašowaś.
Asistent žrědła adresowych datow
Aby asistent žrědła adresowych datow wuwołał, wubjeŕśo Dataja – Asistenty – Žrědło adresowych datow….
Eksistěrujucy adresnik manuelnje registrěrowaś
-
Wubjeŕśo Rědy – Žrědło adresnika…. Dialog Pśedłogi: Pśipokazanje adresnika se zjawijo.
-
Wubjeŕśo w kombinaciskem pólu Datowe žrědło systemowy adresnik abo datowe žrědło, kótarež cośo ako adresnik wužywaś.
-
Jolic hyšći njejsćo registrěrował systemowy adresnik w LibreOffice ako datowe žrědło, klikniśo na tłocašk Žrědła adresnika…. To was k asistentoju datowego žrědła adresnika wjeźo, w kótaremž móžośo swój adresnik ako nowe datowe žrědło w LibreOffice registrěrowaś.
-
Wubjeŕśo w kombinaciskem pólu Tabela tabelu datoweje banki, kótaruž cośo ako adresnik wužywaś.
-
Pśipokažćo we wobceŕku Pólne pśipokazanje póla za pśedmě, pśedewześe, wótźělenje a tak dalej za dane pólne mjenja, kótarež se we wašom adresniku wužywaju.
-
Gaž sćo gótowy, zacyńśo dialog z W pórěźe.
Něnto jo wašo datowe žrědło w LibreOffice ako adresnik zregistrěrowane. Jolic něnto pśedłogu z kategorije Wobchodna korespondenca wócynjaśo, móžo LibreOffice korektne póla za serijowy list awtomatiski zasajźiś.