Pomoc za LibreOffice 25.2
Filter CSV znamjenjowy rjeśazk nastajenja akceptěrujo, kótaryž pěś do pěśnasćo tokenow wopśimujo, kótarež su pśez komu źělone. Tokeny 6 do 15 su fakultatiwne.
Import z ITF-8, rěc nimšćina, pśez komu źělony, tekstowe źěleńske znamuško ", pólo w pazorkach ako tekst. Dataja CSV ma słupy, kótarež su ako datum, licba, licba, licba formatěrowane:
soffice --infilter="Text - txt - csv (StarCalc):44,34,76,1,1/5/2/1/3/1/4/1,1031,true,true" test.csv
Eksport do Windows-1252, pólne źěleńske znamuško : koma, tekstowe źěleńske znamuško : jadne pazorki, celowe wopśimjeśe ako pokazane składowaś:
soffice --convert-to "csv:Text - txt - csv (StarCalc):44,34,ANSI,1,,0,false,true,true" --outdir=/home/user test.ods
|
Pozicija tokena |
Definicija |
Wóznam a pśikład tokena |
|---|---|---|
|
1 |
Pólne źěleńske znamuško |
Pólne źěleńske znamuška ako gódnoty ASCII. Někotare gódnoty se pśez nakósnu smužku („/“) źěle, to groni, jolic gódnoty se pśez semikolony a horicontalne tabulatory źěle, by token 59/9 był. Aby z někotarymi na se slědujucymi źěleńskimi znamuškami ako jadno wobchadał, pśipowjesćo „/MRG“ k tokenoju. Jolic dataja póla z njepśeměnjateju šyrokosću wopśimujo, wužywajśo „FIX“. Pśikład: 44 (,) |
|
2 |
Tekstowe źěleńske znamuško |
Tekstowe źěleńske znamuško ako gódnota ASCII, na pśikład 34 za dwójne pazorki a 39 za jadnotliwe pazorki: Pśikład: 34 ("). |
|
3 |
Znamjenjowa sajźba |
Kod znamjenjoweje sajźby, kótaryž se w dataji wužywa, ako w slědujucej tabeli wopisany. Pśikład: 0 (system). |
|
4 |
Smužkowy numer, wót kótaregož se ma cytaś. Import CSV |
N: Smužkowy numer, wót kótaregož se ma cytaś. Pśikład: 3 (wót tśeśeje smužki zachopiś). |
|
5 |
Kody celowego formata za kuždy słup Import CSV |
Slěd słupowych/formatěrowańskich kodow, źož formatěrowański kod jo w slědujucej tabeli pódany. Pśikład: "1/5/2/1/3/1/4/1". Jolic se gódnotne źěleńske znamuška wužywaju, jo forma toś togo tokena słup/format[/słup/format/…], źož słup jo numer słupa, ze słupom 1 cele nalěwo. Formatowy kod se dołojce pódawa. Jolic prědny token jo „FIX“, ma formu start/format[/start/format/…], źož start jo numer prědnego znamuška za toś to pólo, ze znamuškom 0 cele nalěwo. Format se dołojce wujasnjujo. |
|
6 |
Rěcny identifikator |
Znamjenjowy rjeśazk w decimalnem pisanju. Toś ten token jo ekwiwalent lisćinowego póla „Rěc“ we wužywaŕskem pówjerchu za import CSV. Jolic gódnota jo 0 abo wuwóstajona, se rěcny identifikator wužywaŕskego pówjercha wužywa. Rěcny identifikator na rěcnych identifikatorach Microsoft bazěrujo. |
|
7 |
Pólo w pazorkach ako tekst |
Znamjenjowy rjeśazk, pak false pak true. Standardna gódnota: false. Toś ten token jo ekwiwalent kontrolnego kašćika „Pólo w pazorkach ako tekst“. |
|
8 |
Wósebne licby namakaś |
Import: Znamjenjowy rjeśazk, pak false pak true. Standardna gódnota: false. Toś ten token jo ekwiwalent kontrolnego kašćika „Wósebne licby namakaś“. Eksport: Znamjenjowy rjeśazk, pak false pak true. Standardna gódnota: true. Toś ten token ekwiwalent na wužywaŕskem pówjerchu njama. Jolic true jo, se licbowe cele ako licby składuju. Jocli false jo, licby se ako tekst z tekstowymi źěleńskimi znamuškami składuju. |
|
9 |
Celowe wopśimjeśe ako pokazane składowaś Eksport CSV |
Znamjenjowy rjeśazk, pak false pak true. Standardna gódnota: true. Toś ten token jo ekwiwalent kontrolnego kašćika „Celowe wopśimjeśe ako pokazane“. |
|
10 |
Celowe formule eksportěrowaś Eksport CSV |
Znamjenjowy rjeśazk, pak false pak true. Standardna gódnota: false. Eksport celowych formulow. |
|
11 |
Prozne znamjenja wótwónoźeś Import CSV |
Znamjenjowy rjeśazk, pak false pak true. Standardna gódnota: false. Wótwónoźijo prozne znamjenja. Prozne znamjenja na zachopjeńku a kóńcu se pśi cytanju dataje wótrězuju. |
|
12 |
Tabele eksportěrowaś Eksport CSV |
Eksportěrujo ceły dokument do datajow .csv z jadnotliwymi tabelami, abo do wěsteje tabele.
|
|
13 |
Ako formule importěrowaś Import CSV |
Znamjenjowy rjeśazk, pak false pak true. Standardna gódnota: false. Póstaja, lěc formulowe wuraze, kótarež se ze znamuškom rownosći = zachopinaju, se ako formule wugódnośuju abo ako tekstowe daty importěruju. Jolic true, formule pśi zapódaśu wugódnośuju. Jolic false, formule se ako tekst zapódawaju. Jolic wuwóstajony (scełego njeeksistěrujucy), standardna gódnota jo true, aby se zaźaržanje znamjenjowego rjeśazka nastajenjow starych wersijow wobchowało, kótarež scełego njejsu měli toś ten token. Jolic eksistěrujucy a prozny (abo ma drugu gódnotu ako true), jo standardna gódnota false. |
|
14 |
Marku za pórěd bajtow (BOM) zasajźiś Eksport CSV |
Znamjenjowy rjeśazk, pak false pak true. Standardna gódnota: false. Jolic true, se marka za pórěd bajtow (BOM) do eksporta zapśimujo. Jolic false, eksport BOM njezapśimujo. Jolic wuwóstajony (scełego njeeksistěrujucy), standardna gódnota jo false, aby se zaźaržanje znamjenjowego rjeśazka nastajenjow starych wersijow wobchowało, kótarež scełego njejsu měli toś ten token. Jolic eksistěrujucy a prozny (abo ma drugu gódnotu lěc true), jo standardna gódnota false. Namakajo se awtomatiski pśi importěrowanju. |
|
15 |
Licby we wědomnostnem pisanju spóznaś Import CSV |
Znamjenjowy rjeśazk, pak false pak true. Standardna gódnota: true. Jolic true, se zwěsćujo, lěc celowe wopśimjeśe, kótarež „E“ abo „e“ wopśimujo, jo licba we wědomnostnem pisanju. Jolic false, njewopytujo se, licby we wědomnostnem pisanju spóznas. Token móžo jano false byś, jolic token 8 (wósebne licby spóznaś) jo false. Jolic wuwóstajony, standardna gódnota jo true, aby se zaźaržanje znamjenjowego rjeśazka nastajenjow starych wersijow wobchowało, kótarež scełego njejsu měli toś ten token. |
Import CSV a Eksport CSV nastajenje pólnego źěleńskego znamuška sep= a "sep=" pódpěratej. Gaž se dokument CSV cyta, se źěleńske znamuško z jadnotliwego póla sep= abo "sep= wzejo, jolic to jo jadnučke smužkowe wopśimjeśe.
Pśi cytanju dataje CSV se forma w pazorkach ako celowe wopśimjeśe (bźez pazorkow) wobchowajo. Wiźiśo sep=|, gaž | jo źěleńske znamuško w prědnej smužce. We formje bźez pazorkow se źěleńske znamuško zachyśijo, dokulaž jo napšawdne pólne źěleńske znamuško w konteksće. Wiźiśo seo= w prědnej smužce.
Pśi pisanju dataje CSV se wopśimjeśe eksistěrujuceje jadnotliweje cele górjejce ako sep=| aktualnemu źěleńskemu znamuškoju z formu z pazorkami "sep=|" pśiměrjujo (jolic pazorki/tekstowe źěleńske znamuška njejsu na prozne nastajone a | jo źěleńske znamuško) a pśecej dwójne pazorki ASCII " wužywa.
Jolic smužka, kótaraž sep=| wopśimujo, njama se ako daty importěrowaś, njezabywajśo, numer Wót smužki w dialogu na 2 stajiś. Źiwajśo na to, až se toś ta smužka njewobchowajo, źo znowego składujośo.
sep=|
"PISMIK"|"ZWĚRJE"
"a"|aksolotl"
"b"|"bóśon"
"c"|"cebra"
|
Wóznam |
Kod |
|---|---|
Standard |
1 |
Tekst |
2 |
MM/ŹŹ/LL |
3 |
ŹŹ/MM/LL |
4 |
LL/MM/ŹŹ |
5 |
- |
6 |
- |
7 |
- |
8 |
Pólo ignorěrowaś (njeimportěrowaś) |
9 |
US-engelšćina |
10 |