Kresleńske objekty do drugich dokumentow kopěrowaś

W LibreOffice jo móžno, kresleńske objekty mjazy tekstom, tabelowymi dokumentami a prezentaciskimi dokumentami kopěrowaś.

1. Wubjeŕśo kresleński objekt abo kresleńske objekty.

2. Kopěrujśo kresleński objekt do mjazywótkłada, na pśikład z +C.

3. Pśejźćo k druhemu dokumentoju a stajśo kursor na městno, źož se ma kresleński objekt zasajźiś.

4. Zasajźćo kresleński objekt, na pśikład z +V.

Do tekstowego dokumenta zasajźiś

Zasajźony kresleński objekt se na aktualnem wótstawku zakokulujo. Móžośo kokulku změniś, gaž objekt wuběraśo a na symbol Kokulu změniś na symbolowej rědce OLE-objekt abo na symbolowej rědce Wobłuk klikaśo. To wuskokujucy meni wócynijo, źož móžośo typ kokule wubraś.

Do tabelowego dokumenta zasajźiś

Zasajźony kresleński objekt jo na aktualnej celi zakokulony. Móžośo kokulku mjazy celu a bokom změniś, gaž objekt wuběraśo a na symbol Kokulu změniś klikaśo.