Pomoc za LibreOffice 25.2
W LibreOffice Writer, Impress a Draw móžo jano jaden wužywaŕ dokument za pisanje wócyniś. W Calc móžo wjele wužywarjow samski tabelowy dokument naraz za pisanje wócyniś.
W LibreOffice Calc pśipušćenje dokumentow někotarym wužywarjam zmóžnja, naraz do dataje pisaś. Kuždy wužywaŕ, kótaryž co sobu źěłaś, měł w – LibreOffice – Wužywaŕske daty mě zapódaś.
Někotare pśikaze njejsu k dispoziciji (zešerjone), gaž slědowanje změnow abo pśipušćenje dokumentow jo zaktiwěrowane. Za nowy tabelowy dokument njamóžośo zešerjone elementy nałožyś abo zasajźiś.
Wužywaŕ A nowy tabelowy dokument napórajo. Slědujuce wuměnjenja daju se nałožyś:
Wužywaŕ njoco tabelowy dokument za zgromadne źěło pśipušćiś.
Wužywaŕ A dokument ako dokument Writer, Impress a Draw wócynja, wobźěłujo a składujo.
Wužywaŕ co dokument za zgromadne źěło pśipušćiś.
Wužywaŕ
wuběra, aby funkcije za zgromadne źěło za toś ten dokument aktiwěrował. Dialog se wócynijo, źož wužywaŕ móžo pśipušćenje zmóžnił abo znjemóžnił. Jolic wužywaŕ pśipušćenje zmóžnja, buźo se dokument w modusu pśipušćenja składowaś, kótaryž se w titelowej rědce pokazujo.Pśikaz
dajo se wužywaś, aby modus za aktualny dokument wót modusa njepśipušćenja do modusa pśipušćenja pśešaltował. Jolic cośo pśipušćony dokument w modusu njepśipušćenja wužywaś, składujśo pśipušćony dokument z drugim mjenim abo drugeju sćažku. To kopiju tabelowego dokumenta napórajo, kótaraž se njepśipušćijo.Wužywaŕ A tabelowy dokument wócynja. Slědujuce wuměnjenja daju se nałožyś:
Tabelowy dokument njejo w modusu pśipušćenja.
Wužywaŕ móžo dokument ako dokumenty Writer, Impress a Draw wócyniś, wobźěłaś a składowaś.
Tabelowy dokument jo w modusu pśipušćenja.
Wužywaŕ powěźeńku wiźi, až dokument jo w modusu pśipušćenja a až někotare funkcije njejsu w toś tom modusu k dispoziciji. Wužywaŕ móžo toś tu powěźeńku za pśichod znjemóžniś. Gaž na W pórěźe klikaśo, se dokument w modusu pśipušćenja wócynijo.
Jolic se samske wopśimjeśe wót rozdźělnych wužywarjow změnja, se dialog Konflikty rozwězaś wócynijo. Rozsuźćo za kuždy konflikt, kótare změny maju se wobchowaś.
Wobchowajo wašu změnu, zachyśijo druge změny.
Wobchowajo změny drugego wužywarja, zachyśijo swójske změny.
Wobchowajo wšykne swójske změny, zachyśijo wšykne druge změny.
Wobchowajo změny wšych drugich wužywarjow, zachyśijo waše změny.
Wužywaŕ A pśipušćony dokument składujo. Slědujuce wuměnjenja daju se nałožyś:
Dokument njejo se změnił a składł wót drugego wužywarja, wót togo casa ako wužywaŕ A jo wócynił dokument.
Dokument se składujo.
Dokument jo se změnił a składł wót drugego wužywarja, wót togo casa ako wužywaŕ A jo wócynił dokument.
Jolic se změny njepśeśiwje, se dokument składujo.
Jolic se změny pśeśiwje, se dialog Konflikty rozwězaś pokažo. Wužywaŕ A musy za konflikty rozsuźiś, kótara wersija ma se wobchowaś: „Swójske wobchowaś“ abo „Druge wobchowaś“. Gaž wšykne konflikty su rozwězane, se dokument składujo. Mjaztym až wužywaŕ A konflikty rozwězujo, njamóžo drugi wužywaŕ pśipušćony dokument składowaś.
Drugi wužywaŕ wopytujo pśipušćony dokument składowaś a rozwězujo konflikty w toś tom wokognuśu.
Wužywaŕ A powěźeńku wiźi, až se zjadnośenje wótměwa. Wužywaŕ A móžo składowanje pśetergnuś abo pózdźej znowego wopytaś składowaś.
Gaž a wužywaŕ pśipušćony tabelowy dokument wuspěšnje składujo, se dokument pó składowanju znowego zacytajo, aby tabelowy dokument nejnowšu wersiju wšych změnow pokazujo, kótarež su se składli wót wšych wužywarjow . Powěźeńka pokazujo, až „cuze změny su se pśidali“, gaž drugi wužywaŕ jo změnił wopśimjeśe.
Za wšykne module Writer, Impress, Draw a Calc dajo se dataja zastajiś, gaž dokument njejo pśipušćony. Zastajenje dataje jo samo k dispoziciji, gaž jo pśistup k samskego dokumentoju wót rozdźělnych źěłowych systemow:
Wužywaŕ A dokument wócynja. Slědujuce wuměnjenja daju se nałožyś:
Dokument njejo wót drugego wužywarja zastajony.
Toś ten dokument se wót wužywarja za cytanje a pisanje wócynijo. Dokument se za druge wužywarje zastajijo, daniž wužywaŕ A dokument njezacynja.
Dokument jo pśez datowy system ako „pśeśiwo pisanjeju šćitany“ markěrowany.
Toś ten dokument se pśeśiwo pisanjeju šćitany wócynijo. Wobźěłanje njejo móžne. Wužywaŕ A móžo dokument z drugim dokumentowym mjenim abo drugeju sćažku składowaś. Wužywaŕ A móžo toś tu kopiju wobźěłaś.
Dokument jo wót drugego wužywarja zastajony.
Wužywaŕ A dialog wiźi, kótaryž pokazujo, až dokument jo zastajony. Dialog bitujo, dokument pśeśiwo pisanjeju šćitany wócyniś abo kopiju za wobźěłanje wócyniś abo pśikaz Wócyniś pśetergnuś.
Někotare wuměnjenja muse na źěłowych systemach ze zastojanim wužywaŕskich pšawow docynjone byś.
Pśipušćona dataja musy na městnje byś, ku kótaremuž wšykne sobuźěłaśerje pśistup maju.
Datajowe pšawa za dokument a za pśisłušnu zastajeńsku dataju muse tak nastajone byś, aby wšykne sobuźěłaćerje mógli dataje napóraś, wulašowaś a změniś.
Pisański pśistup teke drugim wužywarjam zmóžnja (mimo wótglědanja abo z wótglědom) dataju wulašowaś abo změniś.