Dokumentowa klasifikacija
Klasifikacija a wěstota dokumentow je wažna tema za pśedewześa a zastojnstwa.
Informacije se mjazy wužywarjami a organizacijami wuměnjaju, kótarež gromaźe źěłaju, aby wobchodny cel dojśpili. Gaž sensibelne informacije su pótrjefjone, wuchadaju z togo, až boki su dojadnali, kótare informacije su sensibelne a kak take informacije se identificěruju a kak z nimi wobchadaju. Dostawaŕ resurse se na póbitowarja informacijow zepěra, aby dojadnanym proceduram slědował, aby sensibelnosć informacijow identificěrował.
LibreOffice standardizěrowane srědki za zwuraznjenje takich informacijow sensibelnosći k dispoziciji staja a dajo se mjazy bokami wužywaś, gaž se maju interoperabelne systemy implementěrowaś. Staja sajźbu standardnych „pólow“ k dispoziciji, kótarež daju se wužywaś, aby informacije sensibelnosći wobchował. Njewopytujo wopśimjeśe toś tych „pólow“ definěrowaś. Toś ta wašnja póstupowanja jo pólěpšenje w pśirownanju k jadnučkej tuchylu eksistěrujucej alternatiwje, kótaruž póbitowaŕ ma, aby někakižkuli srědk za zwuraznjenje sensibelnosći wužywał, kótaryž snaź njejo wužytny za dostawarja.
Lěcrownož toś ten standard jo se wuwił z wótglědom, w kuždem wobceŕku statkowanja nałožujobny byś, jo LibreOffice wobchował nomenklaturu a kategorije industrije lětaŕstwa a zašćitowańskeje industrije, źož wóznamjenjenje sensibelnosći z narodneje wěstoty, eksportoweje kontrole a pšawidłow wó duchnem swójstwje póchada.
LibreOffice jo implementěrował wótwórjone standardy wót TSCP (Transglobal Secure Collaboration Participation, Inc.), njewótwisnje wót wěstego póbitowarja. Dwa z nich stej zajmnej:
-
Business Authentication Framework (BAF) póstaja, kak se eksistěrujuce pšawidła (kótarež su nejskerjej pšawniski tekst) w pśez mašinu cytajobnem formaśe wopisuju.
-
Business Authorization Identification and Labeling Scheme (BAILS) póstaja, kak se na take pšawidła BAF w dokumenśe wótkazujo. Koncepty w BAILS su tak powšykne, togodla daju se na kuždy format nałožyś, kótaryž swójske kakosći na dokumentowej rowninje pódpěra.
Kategorije BAF
Standardne kategorije BAF za LibreOffice su dołojce nalicone.
Jano kategorija „Duchne swójstwo“ wugótowanje dokumenta z wódowym znamjenim, pólami w głowowej a nogowej smužce a informaciskeju rědku górjejce we wobceŕku dokumenta změnijo. Kuždy do dokumenta zasajźony zapisk se pśez konfiguracisku dataju klasifikacije wóźi.
Duchne swójstwo
Duchne swójstwo jo powšykne zapśimjeśe za družynu wopśimjeśa dokumenta. Wubjeŕśo toś tu kategoriju za dokumentowu klasifikaciju za powšykne zaměry.
Narodna wěstota
Wuběra kategoriju dokumenta za typ pšawidłow narodneje wěstoty. Wubrana kategorija se gromaźe z dokumentom ako metadaty BAILS w datajowych kakosćach składuju a změny se w dokumentowem wugótowanju abo wužywaŕskem pówjerchu njepśewjedu.
Eksportowa kontrola
Wuběra kategoriju toś togo dokumenta za typ pšawidłow eksportoweje kontrole. Wubrana kategorija se gromaźe z dokumentom ako metadaty BAILS w datajowych kakosćach składujo a změny se w dokumentowem wugótowanju abo wužywaŕskem pówjerchu njepśewjedu.
Stajśo se ze swójimi zagronitymi za pšawidła datoweje wěstoty pśedewześow a informacisku wěstotu za pódpěru w dokumentowej klasifikaciji do zwiska.
Standardne rowniny klasifikacije
LibreOffice standardne rowniny dokumentoweje klasifikacije bitujo (BAILS, kótarež se dołojce pokazuju, sortěrowane pó stupajucej wobchodnej sensibelnosći:
-
Non-Business: Informacije w dokumenśe na wobchod wliw njamaju, gaž se wózjawjaju.
-
General Business: Mały wliw. Informacije na wobchad wliw maju, mógu wobuznosći a mału škódu w image marki wuwołaś, gaž se wózjawjaju.
-
Confidential: Póměrny wliw. Pśeraźone informacije mógu wobchodnu marku škódowaś, negatiwne rozpšawjenje w medijach a tšuśa wobroty zawinowaś.
-
Internal use only: Wjelika škóda. Negatiwne narodne medije, skjaržby, pokutne pjenjeze, dłujkodobne markowe škódy.
Rowniny klasifikacije pśiměriś.
LibreOffice pśiměrjenje rowninow klasifikacije za waš wobchod zmóžnja. Aby licbu a mě rowninow pśiměrił, kopěrujśo dataju example.xml w do lokalnego zarědnika a wobźěłajśo wopśimjeśe.
Wužywajśo dataju ze swójeju narodneju šemu LibreOffice w mjenju ako pśikład.
Składujśo dataju a pśewjeźćo wótpowědne změny na górjejce pomjenjonej sćažce klasifikacije, aby pśistup k dataji měł.
Waš systemowy administrator móžo dataju w seśowem zarědniku wótkłasć a wšym wužywarjam pśistup k dataji nastajenjow klasifikacije zmóžniś.
Wopśimjeśe do dokumentow z rozdźělnymi rowninami klasifikacije zasajźiś.
Aby pśejźenjeju pśeśiwo wěstotnym pšawidłam zajźował, njesmějo wopśimjeśe z wusokeju rowninu klasifikacije do dokumentow z nišeju rowninu klasifikacije zasajźiś. LibreOffice warnowańsku powěźeńku pokažo, gažkuli zwěsćujo, až wopśimjeśe mjazywótkłada ma wušu wěstotnu klasifikaciju ako celowy dokument.