Diagramowe titele wobźěłaś

Aby diagramowy titel wobźěłał, kótaryž sćo zasajźił do dokumenta LibreOffice:

1. Klikniśo dwójcy na diagram.

   Šery ramik se wokoło diagrama zjawijo a menijowa rědka něnto pśikaze za wobźěłowanje objektow w diagramje wopśimujo.

2. Klikniśo dwójcy na eksistěrujucy titelowy tekst. Šery ramik se wokoło teksta zjawijo a móžośo něnto změny pśewjasć. Tłocćo Enter, aby nowu smužku napórał.

   Jolic titelowy tekst njeeksistěrujo, wubjeŕśo Zasajźiś – Titele…, aby tekst w dialogu zapódał.

3. Z jadnym kliknjenim na titel móžośo jen z myšku pśesunuś.

4. Jolic cośo formatěrowanje głownego titela změniś, wubjeŕśo Format – Titel – Głowny titel…. To dialog Titel wócynijo.

5. Wubjeŕśo jaden z k dispoziciji stojecych rejtarikow w dialogu, aby změny pśewjadł.

6. Klikniśo na W pórěźe. Klikniśo w swójom dokumenśe zwenka diagrama, aby wobźěłański modus diagrama skóńcył.